Kandidati për kreun e PD-së Agron Shehaj, denoncoi atë që e konsideroi një mendësi komuniste në partinë e drejtuar nga Basha.
“Një intelektual i Tiranës, mbështetës i kryetarit të tanishëm, i dërgoi këtë mesazh një demokrati të thjeshtë, kritik me kryetarin: Kush nuk është me Bashën është me Ramën.
Demokrati iu përgjigj: Po sikur të themi se kush është me Bashën është edhe me Ramën?” Po sikur të themi se kush është me humbjet nuk i duhen fitoret? Po sikur të themi që ata që mbështesin Bashën mbështesin humbjen e rradhës?”, tha Shehaj në takimin e radhës të fushatës për kryetar brenda PD-së.
Sipas tij, kjo është një tezë komuniste si “ai që kritikon udhëheqësin është agjent i armikut dhe përçan partinë”.
“Ata që nuk humbasin asgjë kur Partia Demokratike humbet, duan të ruajnë gjendjen siç është. Prandaj ata po përdorin tezën komuniste se ai që kritikon udhëheqësin është agjent i armikut dhe përçan partinë. PD duhet të ndryshojë urgjentisht lidershipin. Me lidershipin e tanishëm PD as nuk bën dot opozitë të fortë, dhe as nuk fiton dot më kurrë”, arsyetoi Shehaj. /tesheshi.com/
