Kryeministri Rama i është rikthyer shprehjes së tij të para pak viteve, e cila iu kthye në boomerang pasi zëra opozitarë, politikë e mediatikë, ia përkthyen si përçmim krahinor: alpin. Kjo – alpin – u morr për malok.
Dhe, meqënëse sërish këto ditë po i faturohen thënie me theks pezhorativ ndaj veriorëve, mu për shkak të protestave të kuksianëve, Rama ofroi një sqarim brenda së cilit kishte dhe një paralajmërim të fortë për familjen Berisha.
“Faji im që kur thashë atëherë alpinët nuk thashë Saliu, vajza, djali, Rrahmani, Rrahmoni, Ahmani dhe Dermoni që u shfaqën si trashëgimtarë pronash afër detit. Faji im që thashë Alpin! Në mënyrë që sipas meje ironike për ti rënë derës që do të dëgjojë, por ajo derë nuk do të dëgjojë. Ajo derë ka vetëm një trokitje që i bën derman. Drejtësia!
Nuk dua të flas për ta se sot nuk janë këtu. Nuk e zgjas më tutje për ta por të jeni të bindur që ju e të gjithë shumë shpejt do të shikoni si dritën e diellit çfarë i shtyn ata të dalin të nxisin zjarrin, rrëmujën dhe kaosin, çfarë e shtyn lalaxhonin dhe maçokun me çcizme që të harrojnë atë që thanë që ne do të presim sa të dalin raporti e të hapen negociatat se për ne Shqipëria është më e rëndësishme sesa qeveria. I shtyn diçka që po ndodh sot. Diçka që ata e dinë shumë mirë dhe shumë shpejt do ta shikojnë të gjithë shqiptarët”, theksoi kryeministri. /tesheshi.com/
