Administrata Tatimore e Kosovës është fituese e çmimit të parë “Shërbimi më i mirë publik” në ICT Awards.
Këtë çmim ATK e mori me projektin Deklarimi Elektronik i Tatimeve. Sistemi për Deklarim
Elektronik – EDI është një aplikacion softuerik, i cili mundëson pranimin/dorëzimin e deklaratave dhe pagesave përmes kanaleve elektronike nga tatimpaguesit e regjistruar në sistemin bazë tatimor, duke shfrytëzuar Internetin Publik si medium i komunikimit.
Albanian ICT Awards është ngjarje tradicionale ku bëhet edhe kurorëzimi i fituesve në shtatë kategoritë që kanë qenë objektivi i të gjithë aplikantëve, ku njëkohësisht është edhe mundësia e vlerësimit më të lartë në sektorin e Teknologjisë Informative.
Po ashtu ATK ka të funksionalizuar Sistemin më të ri Elektronik Tatimor – EDI, i cili mundëson deklarimin dhe pagesën e të gjitha tatimeve / kontributeve pensionale, trajtimin e formularëve tatimor, administrimin e aplikacionit EDI-t, korrigjimin e të gjithë formularëve tatimor, si dhe qasje të thjeshtë në historinë e tatimpaguesve, bilancin tatimor, etj.
Kështu që ATK është e vendosur të vazhdojë me përkushtimin më të madh në realizimin e sukseseve të mëtutjeshme në misionin e saj, në mbledhjen e të hyrave dhe realizimin e objektivave të planifikuara.
Gjithashtu, ATK do të bëj përpjekjet për ngritjen dhe përmbushjen vullnetare, duke ofruar shërbime profesionale, transparente dhe efektive, në zbatimin e drejtë dhe të njëllojshëm të ligjeve tatimore./tesheshi.com/
