Vermoshi mban rekordin e temperaturës së ulët në shkallë vendi në Shqipëri ku termometri ka shënuar këtë mëngjes vlerën -27 gradë celcius. Njoftohet kjo nga instituti i gjeo-shkencave.
Më pas vjen Dibra me -26, ku po kaq është regjistruar edhe në Prishtinë.
Sakaq, Forcat e Armatosura janë angazhuar në disa misione shpëtimi për shkak të borë së madhe në zona të ndryshme të vendit, ku njëri prej tyre fluturoi drejt fshatit Iballe të Pukës, ku ndodheshin 3 minatorë të izoluar në një minierë.
“Sapo janë transportuar për në Pukë me helikopterin e Ministrisë së Mbrojtjes 3 shtetasit e izoluar në një galeri kromi në Iballe. Ministrat Kodheli dhe Beqja mbështeten direkt këtë veprim human. Gjëndja e tyre shëndetësore është shumë e mirë”, shkroi deputeti Pjerin Ndreu në FB
Ndërsa helikopteri i dytë ishte ë mision shpëtimi në fshatin Konaj të Fanit për shpëtimin e një gruaje shtatzënë.
Forcat e Armatosura ndërhynë nga ajri edhe në dy raste të tjera, duke shpëtuar jetën e një personi në Koman dhe një personi tjetër në Tepelenë.
Por sinpotikatët thonë se kjo e dielë është dita e fundit me temperatura kaq të ulta në vendin tonë. Dimri dhe i ftohti i këtyre ditëve, brezit mbi 40 vjeç i ka kujtuar atë të vitit 1985. Edhe atë vit u shënuan temperatura esktreme, por që zgjatën deri afro 2 javë, krahas deborës së madhe të rënë deri në 2 metra lartësi. /tesheshi.com/
