Aleanca për Ardhmërinë e Kosovës ka reaguar kundër paralajmërimit që sot lideri i PDK-së Hashim Thaçi, ka deklaruar se javën që vjen Gjykata Speciale do të votohet.
Në reagimin e AAK-së, thuhet Kuvendi i Kosovës ka votuar për amandamentet kushtetuese që lidhen me Gjykatën Speciale dhe rezultati ka qenë negativ.
Më tej kjo parti thotë se përpjekjen për ta rikthyer të njëjtën çështje, edhe një herë tjetër në votim AAK e konsideron të panevojshme dhe në kundërshtim me praktikat parlamentare dhe arsyeshmërinë e një hapi të tillë duhet ta japin PDK dhe LDK.
“Ne i kemi kundërshtuar me votë amandamentet kushtetuese dhe besojmë se kjo është krejtësisht e mjaftueshme, pa provuar forma të tjera të kundërshtimit të kësaj Gjykate”, thekson AAK në komunikatën për media./tesheshi.com/
