Papa Françesku vdiq dje, më 21 prill, në moshën 89-vjeçare dhe pas vdekjes së tij, Kisha Katolike hyn në një fazë të re, zgjedhjen e pasuesit.
Pasi të zgjidhet Papa i ri, atij do t’i ofrohet të zgjedhë emrin që do të mbajë për pjesën tjetër të Papatit së tij.
Pse nuk mund të quhet Pjetër?
Emri Pjetër u mbajt nga Papa i parë – Shën Pjetri, të cilin tradita katolike e konsideron apostullin e Jezusit dhe kreun e parë të Kishës. Pikërisht për këtë simbolikë dhe rëndësi të jashtëzakonshme, emri Pjetër ka një kuptim të veçantë në historinë e Papatit. Dhe ja disa nga arsyet kryesore pse Papa i ri ndoshta nuk do të quhet kurrë Pjetri II.
Shën Pjetri konsiderohet si “shkëmbi” mbi të u ndërtua Krishtërimi. Marrja e emrit të tij mund të interpretohet si një përpjekje për t’u barazuar me të ose si një përvetësim i rolit të tij të veçantë në historinë e Kishës. Të gjithë Papët e mëparshëm, më shumë se 260 prej tyre, e shmangën emrin Pjetër pikërisht sepse ka statusin e një emri unik. Besohet se Shën Pjetri është mbi të gjithë Papët e tjerë – të gjithë janë pasardhës të tij.
Ka edhe disa profeci dhe legjenda kishtare, si të ashtuquajturat Profecitë e Shën Malakisë, të cilat thonë se një Papë me emrin Pjetër do të jetë i fundit para “fundit të botës” ose trazirave të mëdha. Megjithëse Kisha nuk i njeh këto profeci si zyrtare, ato kanë kontribuuar gjithashtu në “tabuizimin” e këtij emri.
“Papët mund të zgjedhin çdo emër, por së fundmi ata janë kryesisht emrat e apostujve të Jezusit”, shpjegoi dikur eksperti i Vatikanit Bruno Bartoloni. “I vetmi emër që ata nuk zgjedhin kurrë është Pjetri. Kryesisht për respekt për Shën Pjetrin, por edhe sepse disa legjenda thonë se një Papë me emrin Pjetër do të jetë Papa i fundit i Kishës Katolike.”
Por vetë ky emër – Shën Pjetri – është dhe debati i madh mbi Krishtërimin. Kjo pasi kritika teologjike e konsideron atë si devijues nga mësimet bazë të Jezuit, ose Isait në Islam, në përpjekjen konjukturale për kompromis me paganizimin romak, me qëllim që këta të fundit të pranonin fenë që ai kishte themeluar. Dhe kështu, Krishtërimi u përzie në shumëçka me paganizmin, për të kulmuar me asburdin e shpalljes së njeriut si Zot dhe anasjelltas(siç). Nga ana tjetër, nuk ka asnjë të dhënë historike që Shën Pjetri të ketë qenë ndër njerëzit e afërt të Jezuit, pos që është provuar që ka qenë armik i tij. /tesheshi.com/
