Në të ardhmen mund t’u thuhet lamtumirë punëve të lodhshme. Jo sepse ato do të zhduken, por se me risitë teknologjike qeniet njerëzore do të lehtësohen ndjeshëm. Është ky rasti i një skeleti të jashtëm, i cili premton që t’i dhurojë njeriut fuqi superiore.
Quhet Robo-Mate, dhe shton forcën në mënyrë të ndjeshme në krahë, këmbë dhe shpinë. Falë këtij skeleti të jashtëm një peshë prej 10 kilogramë mund të ngrihet si të ishte vetëm 1 kg.
Aktualisht është krijuar vetëm një prototip, por në të ardhmen, shpresohet që gjithçka të bëhet realitet. Ky skelet lejon atë që e mban veshur që të kryejë punë që kërkojnë saktësinë e trurit të njeriut, por muskuj roboti.
Ekspertët thonë se punët manuale, siç mund të jenë ndërtimi i një makine, do të kryhen me saktësi dhe me efikasitetin e duhur në sajë të kësaj risie teknologjike. Robo-Mate pritet të shohë dritën në vitin 2016. Ai është krijuar në Gjermani me një investim prej 3 milionë euro. Muajin e kaluar shoqëria e robotëve, Fraunhofer IAO, e prezantoi pas dy vitesh punë./tesheshi.com/
