Avionët luftarakë izraelitë, pas një armëpushimi dy-orësh, bombarduan përsëri Rripin e Gazës, i cili është nën bllokadë.
Në orët e para të natës, avionët izraelitë bombarduan intensivisht pjesën veriore të Rripit të Gazës dhe pas një armëpushimi dy orësh, ata filluan të bombardojnë zona të ndryshme.
Në sulmin e fundit, shënjestra ishte një punëtori e përpunimit të hekurit në Zeytun, Gaza dhe disa pika të tjera.
Ushtria izraelite ka përshpejtuar mbledhjen e ushtarëve dhe tankeve pranë kufirit me territorin palestinez që mban nën rrethim.
Safwat Al Khalout i Al Jazeera-s në Gaza raporton se që nga mesnata me kohën lokale, trupat izraelite janë mbledhur masivisht në kufi, por ofensiva tokësore ende nuk ka filluar pavarësisht disa raporteve të mediave.
“Operacioni tokësor kërkon shumë përgatitje, shumë trupa,” vuri në dukje ai, duke shtuar se ndoshta nuk kishte mjaft tanke, pjesë artilerie dhe ushtarë për të hyrë në Gaza.
Në një deklaratë të veçantë, ushtria izraelite gjithashtu mohoi fillimin e një ofensivë tokësore.
Izraeli tha të enjten se ata ishin duke mbledhur trupa përgjatë kufirit me Gaza dhe u bëri thirrje 9,000 rezervistëve para një pushtimi të mundshëm tokësor të territorit nën sundimin e Hamasit, shkruan AP.
#GazaUnderAttack #IsraeliTerrorism #PalestineUnderAttack #FreePalestine #AlAqsaUnderAtrack pic.twitter.com/iq89IRb0Xo
— 🌈ครอบครัว thai🌤 (@OffgunHai) May 14, 2021
Dhe BBC raporton se të dy forcat ajrore dhe tokësore të ushtrisë izraelite janë aktive, por që trupat nuk kanë hyrë ende në Gaza.
Që nga fillimi i luftimeve të hënën, më shumë se 100 njerëz janë vrarë në Gaza dhe shtatë në Izrael. /tesheshi.com/
