Yeni Şafak flet për shumë të vrarë nga radhët e pjesëtarëve të puçit ushtarak të kryer mbrëmë në Turqi. Eliminimi ka ardhur pas shkëmbimit të zjarrit me forcat policore, por nuk jepet një numër i saktë i tyre.
Po ashtu ka shumë të arrestuar mes puçistëve, që tanimë kanë dështuar në përpjekjen e tyre për ta rrëzuar nga pushteti Erdoganin e AKP-në.
754 është numri i të arrestuarve gjer në orët e para të së shtunës; ky numër pritet të rritet në vazhdim, me marrjen plotësisht të kontrollit nga autoritetet e ligjshme të vendit.
Kanë filluar ndërkaq dhe nxjerrjet në lirim të ushtarakëve. Me urdhër të ministrit të Brendshëm turk, Efkan Ala, janë nxjerrë në lirim pesë gjeneralë e e 29 kolonelë.
Parlamenti turk do të mblidhet sot në një seancë të jashtëzakonshme, që do të nisë në orën 14:00. Godina e parlamentit ka pësuar dëmtime të pjesshme nga bombardimet e avionëve në duart e puçistëve. /tesheshi.com/
