Kryeministri japonez, Shinzo Abe shprehu dhimbje të thellë për veprimet e vendit të tij gjatë Luftës së Dytë Botërore, në një deklaratë që shënon 70-vjetorin e kapitullimit, por fqinjët e Japonisë prisnin më shumë.
Në deklaratën në fjalë, Abe shprehu kërkesa për ndjesë dhe pendim të cilat janë bërë edhe më parë nga qeveritë japoneze, por nuk dha një kërkesë faljeje formale të vetën. Ai shtoi se brezat e ardhshëm nuk do të jenë më të destinuar të kërkojnë ndjesë.
Fjalimi është ndjekur me vëmendje nga vendet fqinje aziatike për shkak se kohët e fundit ka pasur të dhëna se Abe mund të zvogëlonte shkallën e veprimeve të Japonisë gjatë kohës së luftës.
Kina dhe Koreja e Jugut në vecanti, vuajtën shumë gjatë pushtimit japonez, dhe thonë se Japonia asnjëherë nuk ka marrë përgjegjësinë që i takon për veprimet e luftës.
Korrespondentët thonë se Abe mbajti linjën e apologjive të mëparshme, por gjithashtu duket se vuri vijën e kuqe duke shtuar se brezat e ardhshëm nuk do të duhet të vijojnë pa fund me kërkesa faljeje.
Ai shkoi edhe më tej duke kërkuar të përvijojë Japoninë e shekullit të 20-të si një vend antikolonial. Mposhtja e Rusisë nga Japonia në 1905 tha ai, inkurajoi shumë popuj nën regjimin colonial të shkëputeshin nga Azia në Afrikë.
Abe bëri të qartë se ai mendon se bota nuk mund të kërkojë nga Japonia apologji të përjetshme. /tesheshi.com/
