Ish-roja SS në kampin e Aushvicit u dënua me katër vjet burg nga gjykata gjermane, për përfshirje në vrasjen e 300 mijë hebrenjve në kampin e vdekjes.
Oskar Groening, I njohur si “llogaritari i Aushvicit” u dënua për bashkëpunimin në ekzekutimet në dhomat e gazit në kampin e ngritur në Poloninë e pushtuar nga nazistët, midis majit dhe qershorit të vitit 1944.
94-vjecari pranoi “fajin moral” gjatë procesit të mbajtur në Luneberg, por mohoi rolin direct në vrasje, duke thënë se puna e tij ishte mbledhja dhe inventarizimi I sendeve me vlerë në bagazhet e viktimave.
Groening nuk e ka mohuar rolin e tij në kamp, por ai nuk është proceduar më parë për shkak të mungesës së provave për përfshirje direkte në vrasje. Por, një vendim i vitit 2011 hapi rrugën për procedimin e rojeve naziste të lidhur jo direct me vrasjet masive.
Më shumë se 1 milion njerëz, pjesa më e madhe hebrenj nga e gjithë Europa, u vranë në Aushvic-Birkenau midis viteve 1940-1945. /tesheshi/
