Bana Alabed, shtatëvjeçarja nga Halepi, e cila u bë e njohur në të gjithë botën për postimet e saj nga qyteti i rrethuar, ka shkruar një letër të hapur për presidentin Donald Trump.
“Duhet të bëni diçka për fëmijët e Sirisë për shkak se ata janë si fëmijët tuaj dhe meritojnë paqe ashtu si edhe ju”, shkruan ajo.
Bana u arratis nga Halepi së bashku me familjen e saj në dhjetor, gjatë evakuiimeve masive dhe tashmë jeton në Turqi.
Llogaria e saj në Twitter u bë e famshme për shkak të mesazheve që vinin drejt e nga lindja e rrethuar e Halepit, në ditët më të vështira të konfliktit.
Nëna e saj, Fatemah – e cila e ka ndihmuar vogëlushen të postojë mesazhet – e ka dërguar letrën e saj në rrjetin televiziv, BBC. Ajo tha se Bana e shkroi atë ditë përpara iangurimit të presidentit Trump për shkak se “e kishte parë shumë herë në televizion”.
“I dashur Donald Trump,
Emri im është Bana Alabed dhe unë jamë një 7-vjeçare siriane nga Halepi.
Kam jetuar në Siri gjithë jetën time derisa u largova nga lindja e rrethuar e Halepit në dhjetor të vitit të kaluar. Jam pjesë e fëmijëve sirianë që vuajtën nga lufta siriane.
Por, pikërisht tani, jeton në paqe në shtëpinë time të re në Turqi. Në Halep, isha në shkollë që shpejt u shkatërrua për shkak të bombardimeve.
Disa nga miqtë e mi vdiqën.
Jam shumë e trishtuar për ta dhe do dëshiroja të ishin me mua për shkak se tani do mund të luanim së bashku. Unë nuk mund të luaja në Halep, pasi ishte qytet i vdekjes.
Tani në Turqi, mund të dalë jashtë dhe të kënaqem. Mund të shkollë në shkollë edhe pse nuk e kam nisur ende. Kjo është arsyeja përse paqja është e rëndësishme për secilin prej nesh, përfshirë edhe ju.
Sidoqoftë, me miliona fëmijë siriane nuk ndihen kështu si unë tani dhe vuajnë në pjesë të ndryshme të Sirisë. Ata vuajnë për shkak të të rriturve.
E di që ju do jeni president i Amerikës, kështu që po ju lutem për të shpëtuar fëmijët dhe popullin e Sirisë. Duhet të bëni diçka për fëmijët e Sirisë pasi ata janë si fëmijët tuaj dhe meritojnë paqe si ju.
Nëse më premtoni se do të bëni diçka për fëmijët e Sirisë, që tani mua më keni shoqen tuaj të re.
Pres me padurim për atë që ju do të bëni për fëmijët e Sirisë”. 
Kjo është letra e shtatëvjeçares nga Halepi e cila tashmë jeton në Turqi.
Ankaraja zyrtare mbështet opozitën siriane, por pozicioni i presidentit Trump mbetet ende i paqartë.
Presidenti amerikan ka theksuar shpesh dëshirën e tij për një marrëdhënie të fortë me Rusinë dhe ka mbështetur Vladimir Putinin – i cili i qëndron krah si aleat i ngushtë presidentit të Sirisë, Assad.
Gjatë fushatës, ai ka folur për ndërprerjen e ndihmës për kryengritësit – por më së fundmi, ai ka folur edhe për nevojën e “zonave të sigurta” që do të ndihmonin kryengritësit në Siri.
Apeli i Banës në drejtim të presidentit të ri vjen ndërsa Irani, Rusia dhe Turqia janë bashkuar në një përpjekje për të përforcuar armëpushimin trejavor në Siri për t’ia lënë vendin bisedimeve të paqes. Por, nëse nuk ka marërveshje midis qeverisë së Assad dhe forcave kryengritëse, nuk është e qartë sesa mund të mbajë ky armëpushim.
Përgatiti: Juli Prifti -/tesheshi.com/
