Në kuadër të 7 Marsit – Ditës së Mësuesit, kryeministri Rama vlerësoi politikat dhe praktikat e qeverisë së tij në fushën e mësuesise
“Qysh prej fillimit të punës me portalin ‘Mësues për Shqipërinë’ ne sot kemi 4 mijë mësues të rinj të rekrutuar në bazë të meritës, të rekrutuar nga klasifikimi i pikëve të marra në portal.
Është një ndryshim i madh i sistemit të mësuesve në Shqipëri ashtu sikundër nuk është vetëm rekrutimi por është ndaluar edhe korrupsioni edhe në sistemin e trajnimit. 739 module trajnimi dhe 45 agjenci fantazmë për kredi fiktive janë asgjësuar.
Janë kryer trajnime falas për të gjithë mësuesit sipas nevojave dhe modulet janë hartuar me standarde profesionale. Nuk ekzistonte mësuesi ndihmës.
Këtë vit kemi 983 mësues ndihmës për fëmijët me aftësi të veçanta në sistem”, tha kryeministri Rama.
Deklarimet e tij u bënë gjatë takimit të radhës së bashkqeverisjes. /tesheshi.com/
