Policia e Nepalit ka deklaruar numrin e viktimave të tërmetit të cilët humbën jetën pas lëkundjeve të forta sizmike në vend disa ditë më parë. Deri në këto momente janë 6.198 viktima, ndërsa numri i të plagosurve ka shkuar në 13.827. sa i takon shkatërrimeve, 148329 janë shtëpitë që janë shembur tërësisht dhe nuk janë të banueshme ndërsa 136582 kanë pësuar dëme të rënda.
Mirëpo në mes të tragjedisë mund të gjesh edhe grimca lumturie siç është ajo e familjarëve të një gruaje, e cila ka arritur të mbijetojë pas 128 orësh nën rrënoja.
Vetëm në distriktin e Sindhupalchowk, i cili është ai që ka pësuar goditjen më të madh të datës 25 prill, janë numëruar deri më tani 1567 të vdekur, ndërsa autoritetet lokale kanë bërë me dijë një numër prej 3 mijë të humburish, sipas burimeve në The Himalayan Times.
Në një deklaratë për mediat, zëvendës drejtuesi Bharat Prasad Acharya ka siguruar se “ky numër mund të rritet gjatë orëve në vijim”.
Një mrekulli e re – Përveç Pemba Lama, djalit 15 vjeçar të nxjerrë të gjallë nga rrënojat e një shtëpie pushimi në Kathmandu, një ekip shpëtimi izraelit dhe nepalez ka arritur të shpëtojë pas 128 orësh nga shpëtimi i së shtunës, edhe një femër të moshës 24 vjecare. Ajo është Krishna Devi Khadka. Lajmi është bërë i ditur nga e përditshmja vendase Kantipur.
Edhe e reja Krishna kishte ngelur e bllokuar nën rrënojat e një shtëpie pushimi në Janasewa, në fshatin Gonggabu, jo shumë larg kryeqytetit. Gruaja është dërguar në një spital për të marrë ndihmën mjekësore dhe fatmirësisht deri në këto momente nuk është në asnjë rrezik për jetën./tesheshi.com/
Gjeni këtu disa nga ngjarjet kryesore gjatë tërmetit në Nepal
Fëmija simbol i tragjedisë së Nepalit, shpëtohet i gjallë pas 82 orëve nën rrënoja
Apokalipsi në Nepal, ja çfarë po ndodh në këtë shtet pas tërmetit me mijëra të vdekur
Fatkeqësia s’ka fund, Nepali goditet sërish nga një tërmet
Tërmeti në Nepal, veç qindra viktimave, edhe rrënime në trashëgimi
Nepal, pas tërmetit nis katastrofa tjetër: ajo humanitare me epidemitë e tmerrshme
Tërmeti në Nepal, Google e Facebook mobilizohen për të dhënë ndihmën e tyre, ja se si
