Këshilli i Prokurorisë është mbledhur sot dhe ka diskutuar në lidhje me emërimet e reja në Prokurori. Sot i janë propozuar kryeprokurorit Adriatik Llalla 5 drejtues të rinj për organet e akuzës.
Më konkretisht, bëhet fjalë për prokurorë të cilët do të drejtojnë Prokurorinë e Krimeve të Rënda, Prokurorinë e Durrësit, Lezhës, Elbasanit dhe Lushnjes.
Këshilli miratoi me 4 vota propozimin e Blerim Tominaj, për kreun e Prokurorisë së Krimeve të Rënda. Kandidatura e Tominaj do t’i propozohet kryeprokurorit Lllalla.
Për Prokurorinë e qarkut Elbasan u propozua kandidatura e Besnik Cani, ndërsa për Prokurorinë e Durrësit, Agron Gjana.
Për kreun e organit të akuzës në Lezhë u votua pro kandidaturës së Përparim Vukaj dhe për Lushnjen, Artenc Çela./tesheshi.com/
