Në pritje për t’u vrarë: Izraeli shënjestron gjashtë gazetarë të Al Jazeera-s

Provat e sajuara të një shtetit të provuar si gënjeshtar dhe manipulues

Forcat e Mbrojtjes izraelite (IDF) kanë ngritur akuza të rënda kundër gjashtë gazetarëve të Al Jazeera-s, duke pretenduar se ata janë të lidhur me Hamasin dhe Xhihadin Islamik.

IDF pretendon se ka gjetur dokumente në Gaza që dyshohet se konfirmojnë se gazetarët e Al Jazeera-s ishin të përfshirë në aktivitetet ushtarake të këtyre organizatave. Këto dokumente, pretendojnë ata, përfshijnë listat e personelit, listat e trajnimit, drejtoritë telefonike dhe listat e pagave.

Kjo është matrica e vendosur e veprimeve të ushtrisë izraelite kur duan të likuidojnë dikë. Ata e akuzojnë personin e synuar për terrorizëm dhe kështu justifikojnë vrasjen e tij.

Këta gazetarë u bënë objektivi i ushtrisë izraelite sepse janë njerëz që ekspozuan jetën e tyre në mënyrë që bota të dijë të vërtetën për gjenocidin që po kryhet kundër popullit palestinez. Fatkeqësisht, tani janë bërë shënjestër dhe nuk ka kush t’i mbrojë. Nëse ata vriten nesër, askush nuk do të mbajë përgjegjësi për vrasjen e tyre, ashtu siç askush nuk po mban përgjegjësi për vrasjen e afro 200 gazetarëve palestinezë.

Video: Anas al-Sharif është një nga gazetarët më të guximshëm dhe më të rëndësishëm të Al Jazeera-s:

بين مصير مجهول واعتقال الاحتلال للرجال، يعيش النازحون أوضاعًا صعبة بعد إجبارهم على الخروج من مراكز الإيواء وسط إبادة يتعرض لها أهالي شمال غزة pic.twitter.com/IzHLGhkgkf

— أنس الشريف Anas Al-Sharif (@AnasAlSharif0) October 23, 2024