Lionel Messit i skadon kontrata me Paris Saint Germain dhe fati i tij është kryefjala e mediave evropiane sot.
Një gjë dihet patjetër tani – Messi nuk do të nënshkruajë kontratë të re me klubin nga Parku i Princave.
Këtë informacion e ka konfirmuar trajneri Chrisophe Galtier.
“Kam pasur privilegjin të drejtoj lojtarin më të mirë në historinë e futbollit. Do të jetë ndeshja e fundit e Leos në Parc des Princes kundër Clermont,” tha Galtier.
Ndeshja kundër Clermont do të luhet të shtunën në orën 21:00 dhe më pas Messi do t’i japë lamtumirën PSG-së, fanellën e të cilit e ka veshur në dy sezonet e fundit.
Në xhiron e fundit me golin e tij i solli një pikë PSG-së që i siguroi titullin e 11-të të kampionatit francez.
Media të shumta franceze dhe spanjolle bënë të ditur se tashmë Messi do të zgjedhë klubin për të cilin do të luajë sezonin e ardhshëm.
Al-Hilal dhe Inter Miami kanë shanset më të mira për të nënshkruar me Messin, ndërsa shpresojnë ende për rikthimin e tij në Barcelonë, raporton scsport. /tesheshi.com/
