Kryeministri Rama komentoi dënimin e ish-ministrit të tij të Rendit në mandatin e parë, Saimir Tahiri, me 3 vite e 4 muaj burg për shpërdorim detyre.
Pyetjes së gazetarëve nëse vendimi i Gjykatës për dënimin e Tahirit ishte surprizues për të, kreu i qeverisë u përgjigj duke thënë se e ka ditur mirë se çfarë ka bërë kur ka udhëhequr Reformën në Drejtësi dhe se po të kthehej pas në kohë do të bënte të njëjtën gjë.
“Unë nuk i komentoj asnjëherë vendimet e gjykatave. E kam ditur mirë se çfarë kam bërë duke udhëhequr Reformën në Drejtësi. 100 herë të kthehesha pas 100 herë do bëja të njëjtën gjë”, ishin të vetmet fjali të shefit të qeverisë, dalë para medias për të sqaruar qëndrimin e Tiranës zyrtare në lidhje me zhvillimet e tensionuara mes Rusisë dhe Ukraninës, e për pasojë dhe Rusisë me Perëndimin. /tesheshi.com/
.
