Anëtarët e grupit fetar hebre Lev Tahor, të cilët po qëndronin në komunën e Ilidza Lindore pranë Sarajevës, u larguan nga Bosnja më 3 shkurt dhe shkuan në Mal të Zi, njoftoi Shërbimi për Çështjet e të Huajve të Bosnje.
“Mbrëmë, në orët e vona të mbrëmjes, një grup prej 37 shtetasish të huaj u larguan nga Bosnja përmes pikës kufitare Deleusa”, thuhet në njoftim.
Shërbimi thekson se këta persona janë larguar nga Bosnja para skadimit të afatit të qëndrimit pa viza, nën drejtimin e tyre, duke respektuar dispozitat ligjore të parapara me Ligjin për të Huajt, shkruan RFE.
Ata kujtojnë se këta persona i kanë kontrolluar në baza ditore, se i kanë kontrolluar përmes të dhënave zyrtare në dispozicion, përfshirë të dhënat e INTERPOL-it.
Lev Tahor është një grup konservator hebrenjsh. Aktualisht ka rreth 250 anëtarë dhe fjalë për fjalë do të thotë – “zemër e pastër” – nga pasazhi biblik: “Krijo në mua një zemër të pastër, o Perëndi, dhe përtëri një frymë të palëkundur brenda meje” (Psalmi 51:10).
Ata kanë rregulla strikte në lidhje me ushqimin dhe lutjet e tyre janë më të gjata dhe më të forta se ato në besimet e tjera hebraike.
Lideri i grupit është Šolmo Helbrans, i lindur në vitin 1962. Ai dhe ndjekësit e tij janë akuzuar vazhdimisht për abuzim ndaj fëmijëve, gjë që shpesh ndryshon vendbanimin e tyre.
Në faqen e internetit të Departamentit Amerikan të Drejtësisë, në nëntor 2021, u njoftua se drejtuesit kryesorë të Lev Tahor, Nahman Helbrans dhe Mayer Rosner, u dënuan për planin për të rrëmbyer një vajzë 14-vjeçare. /tesheshi.com/
