Reale apo metaforë, kryeministri Albin Kurti i tha publikut se ishte ngrohur me batanije në shtëpi, si shkak i një krize energjitike, e cila pamundëson ngrohjen me korrent.
“Pjesën më të madhe të kohës po më bie të rri ose në makinë duke udhëtuar prej një vendi në një vend tjetër ose në kryeministri, ku kemi një sistem të përgjithshëm të ngrohjes për komplet objektin, e mbrëmë kur kam shkuar shumë vonë në shtëpi jam ngrohur me batanije”, tha ai në një dalje për mediat.
Ai akuzoi qeveritë paraardhëse, duke thënë se ato nuk investuan në KEK (Korporata Energjitike e Kosovës), përkundrazi, e lanë të vidhej, dhe ja tani rezultati.
“Ishte me leverdi të vidhej në KEK se sa të investohet. Ne jemi në krye të detyrës. Shtetin e kemi gjetur përtoke por do ta ngrisim në këmbë”, pohoi ai. /tesheshi.com/
