Sekretari i Përgjithshëm i OKB-së, Antonio Guterres tha se është e nevojshme që të hidhet një vështrim i drejtë në të kaluarën, në mënyrë që krimet monstruoze si gjenocidi në Srebrenicë të mos përsëriten më.
Sot shënohet 22-vjetori i asaj tragjedi, dhe i pari i OKB-së, ka lëshuar një mesazh ku thuhet se OKB-ja duhet të pranojë rolin e saj që ka luajtur në miratimin e ekzekutimit të një krimi të tillë të tmerrshëm.
Guterres kujton se gjenocidi i Srebrenicës ishte krimi më i tmerrshëm që ka ndodhur në Evropë që nga themelimi i Kombeve të Bashkuara.
“Ne sot kujtojmë me mijëra burra dhe fëmijë të vrarë. Solidarizohemi me familjet dhe miqtë e viktimave. Ngjarjet e tmerrshme në Srebrenicë në korrik të vitit 1995 janë të vërteta historike dhe të dokumentuar në detaje. Gjykatat ndërkombëtare ICTY dhe ICC kanë thënë se ky ishte një gjenocid”, tha Guterres.
Guterres ka thënë se OKB-ja pranon pjesën e saj të përgjegjësisë në lidhje me Srebrenicën dhe se po punon në atë drejtim që nga ato gabime të nxjerrë mësime, në mënyrë që ato të mos përsëriten më në të ardhmen.
Duke theksuar se për të ardhmen e përbashkët dhe të mirën e komunitetit është e nevojshme të pranohen faktet historike dhe e vërteta, Guterres tha se ai është i vendosur që të mbështesë procesin e vendosjes së paqes dhe stabilitetit të qëndrueshëm në të gjithë Ballkanin. /tesheshi.com/
