Nga Mensur Krasniqi
Me rastin e Ditës së Alfabetit, tre ministra shqiptarë të, e Shqipërisë, Lindita Nikolla; i Kosovës, Arsim Bajrami; si dhe ai Maqedonisë, Abdilaqim Ademi, nënshkruan një të quajtur Program të Përbashkëta Ekzekutiv, me anë të të cilit pretendohet të thellohet bashkëpunimi në sferën e arsimit. Sipas Abdilaqim Ademit të qeverisë maqedonase, akti i sotëm është zgjatim i marrëveshjes së nënshkruar pikërisht në Vlorë.
“Tekstet e marrëveshjes janë të harmonizuara mes grupeve tona dhe kanë simbolikën e tyre, sepse janë një hap përpara implementimit të nënshkruar në Vlorë, janë edhe projekte konkrete mes vendeve tona, për shkëmbim studentësh, stafit akademik, programe të përbashkëta dhe kështu me radhë.”
Ndërkaq, ministrja Nikolla, tha se “bashkëpunimi në sferën e arsimit në mes tre vendeve tona do të thellohet më shumë me realizimin e projekteve dhe programeve konkrete.”
Ndërsa kolegu i tyre kosovar, Arsim Bajrami, tha se “nuk ka rast më të mirë që pas Vlorës , ku u nënshkrua marrëveshjen për bashkëpunim, edhe në Manastir merret zotimi për të punuar në zbatimin e platformës së përbashkët në sferën e arsimit dhe shkencës.” /tesheshi.com/
