Real Madrid dhe Barcelona gjenden gjithmonë në luftë për të nënshkruar me lojtarët më të mirë të Evropës dhe Botës. Mirëpo në disa rastet kanë zgjedhur të bëjnë blerjen pikante pikërisht në skuadrën rivale. Shumë prej tyre kanë kaluar nga njëra skuadër në tjetrën përkundër rivalitetit të madh. Gjithë ata lojtarë që ndoqën këtë rrugë njihen si tradhtarë.
Javier Saviola ishte futbollisti i fundit që në vitin 2007 vendosi të kalojë nga Barcelona tek Real Madrid duke acaruar kështu jashtëzakonisht shumë tifozët blaugrana. Mirëpo kjo nuk ishte tradhëtia më e madhe e njohur ndonjëherë.
Kalimi i Luis Figos nga Barcelona tek Real Madrid në vitin 2000 ishte transferta më e urryer ndonjëherë në historinë e futbollit. Portugezi u prit mjaft keq në sfidën e parë pas transferimit në Bernabeu nga “Camp Nou”, deri sa urrejtja e tifozëve azulgrana shkoi aq keq sa që e gjuajtën edhe me kokë derri.
Luis Enrique ‘tradhëtoi’ Real Madridin për të nënshkruar me Barcelonën në vitin 1996 dhe kjo nuk u kapërdi lehtë nga tifozët madrilien që tani e tutje vazhdojnë ta urrejnë tashmë teknikun katalan. Luis Nazario De Lima Ronaldo, Bern Shuster, Hagi, Albert Celades, Michael Laudrup, Prosineçki e Samuel Eto’o ishin të tillë lojtarë që kaluan në tokat rivale. /tesheshi.com/
