Ndërsa vera ka mbërritur dhe të gjithë po fillojmë të ndiejmë gjerësisht vapën e madhe që na peshon mbi lëkurë, ka disa mënyra që ju ndihmojnë të freskoheni pa përdorur kondicionerin, por mënyra të tjera alternative. Ja cilat janë ato:
- Bëni dush në orët më të freskëta të ditës, duke u munduar të mos krijoni lagështirë shtesë në shtëpi.
- Fikni elektroshtëpiaket që nuk i përdorni sepse edhe nëse janë në gjendjen stand by ngrohin ambientin.
- Mos përdorni dritë shumë të fortë. Janë ditët më të gjata të vitit dhe shtëpia do të jetë gjatë gjithë kohës e ndriçuar.
- Përdorni tenda të bardha (perde të bardha) në brendësi të shtëpisë, në mënyrë që të mos thithen rrezet e diellit.
- Përdorni ushqime të freskëta dhe të pasura me ujë e mundohuni ti piqni ato sa më pak të jetë e mundur.
- Nëse keni fatin të zotëroni një ballkon, kopsht apo tarracë, mbillni në to bimë, të cilat absorbojnë vapën dhe ju mbrojnë nga dielli.
- Përdorni në ballkone apo në dritare tenda e grila, të cilat shërbejnë si një barrierë kundër diellit.
- Mbani grilat të ulura apo të mbyllura në orët më të nxehta të ditës.
- Mundohuni të izoloni sipërfaqet e shtëpisë, të cilat janë më shumë të ekspozuara ndaj diellit.
- Nëse të gjitha këto truqe nuk ju ndihmojnë të frenoni vapën e të freskoheni, atëherë përdorni një ventilator, i cili ju ndihmon të kurseni 15 herë më pak energji në krahasim me kondicionerin. /tesheshi.com/
