Origjina e një tjetër virusi koronar, i cili po përhapet së fundi në kryeqytetin kinez Pekin, është evropiane – konfirmoi ekspertja e Organizatës Botërore të Shëndetit (OBSH) Maria Van Kerkhove.
Në një konferencë të rregullt për shtyp, ajo tha që OBSH kishte marrë disa sekuenca të gjenomit të koronës nga Pekini dhe se “origjina e tij evropiane” ishte konfirmuar.
“Epidemia e re nuk do të thotë se kjo është vala e dytë e viruseve të koronës,” tha nga ana tjetër Michael Ryan, drejtori i emergjencës i OBSH.
Sipas tij, nëse shpërthen një pikë e nxehtë e re, duhet të merren masa të menjëhershme për të shmangur kthimin në masat kufizuese të mbylljes.
Ryan vuri në dukje se secili vend tani mund të kishte një kulm të dytë të infeksionit koronavirus, dhe se një valë e dytë mund të pritej më pas në vjeshtë.
Të dy dukuritë mund të ndodhin, shpjegoi ai.
“Për të kontrolluar përhapjen e COVID 19, është e nevojshme të monitorohen numrat – numrin e të infektuarve dhe situata në institucionet shëndetësore. Nëse spitalet janë të mbingarkuara, në rrezik, ne duhet të veprojmë shpejt për të mos qenë në një situatë si në kulmin e një pandemie”, sqaroi Ryan. /tesheshi.com/
