728 x 90 Leaderboard

Vjedhja para 104 vitesh që shndërroi të famshmen Xhokonda në një mit

A e dini se si është bërë e famshme piktura e Leonardo da Vinci , Monna Lisa? Një mit absolut atë e bëri edhe vjedhja e saj. Ai që hyri në muzeun e Luvrit në Paris për të vjedhur kryeveprën e Da Vincit ishte një italian, i njohur me emrin Vincenzo Peruggia. Ishte nata e 20 gushtit 1911. Prej atëherë vepra u transformua në një legjendë të vërtetë pasi u arrit të gjendej vetëm tre vite pas vjedhjes.

Ishte e diel mbrëmje ndërsa ditën e ardhshme muzeu i Luvrit do të mbyllej, kur Peruggia vendosi të flinte në të, duke pritur që të vinte ora 7 i mëngjesit, kur rojet të humbnin vigjilencën, të hiqte me lehtësi pikturën nga muri dhe më pas ta merrte me vete. Ishte vetë ai që kishte menduar gjithçka me detaje.

Më pas, me qetësinë më të madhe u drejtua tek dalja dhe kërkoi ndihmën e një hidrauliku për t’i hapur derën dhe më pas hipi si pa të keq në taksi. Ishte ora 08:30 i mëngjesit dhe të vetmet roje ishin ato në hyrje të muzeut. Vjedhja e Luvrit në atë kohë ishte diçka që nuk kishte ndodhur më parë. Kërkimet ishin shumë të ngadalta dhe kishin mjaft vështirësi.

Peruggino e mbajti me vete dhe për vete pikturën për rreth dy vite e gjysmë duke kërkuar t’ia shiste atë më pas fiorentinit Alfredo Geri. Pikërisht në atë moment ai u arrestua. Hajduti thoshte dhe deklaronte gjithmonë se arsyeja e vetme pse e kishte vjedhur pikturën ishte që ta kthente atë në Itali.

Mirëpo, ai nuk e dinte se e famshmja Xhokonda kishte qenë përherë pronë me të drejta të plota të Francës, duke qenë se është shitur kundrejt vlerës 4 mijë dukatë Francescos I nga vetë Leonardo da Vinci./tesheshi.com/

Related posts