Auto Dak
Auto Dak
Auto Dak

Ura e Ibrit shtatë muaj pas: as punime dhe as qarkullim për qytetarët

Nga Blendi Gashi

Më 17 tetor të vitit 2015, konkretisht para shtatë muajsh, filluan punimet në urën kryesore mbi lumin Ibër, që lidh anën jugore dhe atë veriore të Mitrovicës, për heqjen e barrikadës së ashtuquajtur “Parku i Paqes” dhe revitalizimin e urës.

uraibrit

Kanë mbetur vetëm edhe dy muaj kur kjo urë do të duhej të lëshohet në tërësi për qarkullim, por vështirë se do të ndodh një gjë e tillë pasi që nuk është bërë asnjë punim që nga koha kur javë vendosur rrethojat metalike me shenjën e Bashkimit Evropian.

Ministrja për Dialog, Edita Tahiri dhe qeveria e Kosovës në muajin tetor të vitit të kaluar u shprehën të bindur se Ura do të hapet për automjete dhe këmbësorë jo më larg se fundi i qershorit 2016.

Për më tepër, Tahiri deklaroi në atë kohë se heqja e barrikadës nga ana e Bashkimit Evropian i jep fund ndarjes së Mitrovicës, dhe kjo urë, prej një ure ndarëse po bëhet urë bashkimi për Mitrovicën dhe Kosovën dhe do të sjell stabilitet politik dhe siguri për të gjithë qytetarët.

 

Qeveria: Përgjegjës BE-ja

Tesheshi.com kontaktoi ministren për dialog Edita Tahiri e cila përmes një mesazhi telefonik na rekomandoi që për çështjen në fjalë të drejtohemi te zyra e Bashkimit Evropian në Kosovë.edita-tahiri

Drejtojuni zyrës së Bashkimit Evropian në Kosovë të udhëhequr nga Samuel Zhbogar, ata janë zbatuesit”, ka thënë Tahiri për tesheshi.com, duke harruar se ka dhënë premtime se ura do të lëshohet për qarkullim në muajin qershor të këtij viti.

 

BE: Roli ynë u keqkuptua

Ndërsa ministrja Tahiri, përgjegjës për lëshimin në qarkullim të urës së Ibrit e bën Bashkimin Evropian në Prishtinë, këta të fundit ditë më parë përmes një përgjigje dhënë me shkrim për Klan Kosova kanë thënë se roli i tyre u keqkuptua dhe çështja e zbatimit të ujdisë për urën mbetet e shqiptarëve dhe serbëve dhe se për këtë çështje janë vetëm ndërmjetësues.europiann

Procesi në revitalizimin e urës së lumir Ibër në Mitrovicë varet nga angazhimi konstruktiv dhe vullneti i mire i palëve. BE-ja  në rolin e vet si fasilitues punon me palët në mënyrë që ato të implementojnë atë për çfarë është arritur pajtimi, duke çuar kështu drejt zgjedhjeve të qëndrueshme. Ne do t’i informojmë qytetarët e Mitrovicës lidhur me hollësitë rreth ndërtimit kur ato të ndodhin”, thuhet në përgjigjen e Zyrës së BE-së në Prishtinë.

 

Për urën e Ibrit vendos Vuçiq

Analisti politik Nexhmedin Spahiu, njëherit qytetar nga Mitrovcia thotë se nuk është bërë asnjë punim në urën e Ibrit sepse nuk ka çfarë të punohet aty.nexhmedin-spahiu

Punimet për revitalizimin e urës që kishin filluar vitin e kaluar, Spahiu i quan një truk politik për të mos e larguar barrikadën dhe për ta shmangur kërkesën për rindërtimin e xhamisë së Ibrit e cila ndodhet në cepin verior të urës, duke u thirrur se kjo ka qenë një marrëveshje e Brukselit dhe duke shmangur edhe më tej xhaminë që është djegur nga forcat serbe në vitin 1999.

Se a do të lëshohet ura për qarkullim në qershor të këtij viti, kjo varet nga kryeministri i Serbisë Aleksandër Vuçiq. Ura mund të lëshohet sot për qarkullim sepse rrethojat që i ka vendosur Bashkimi Evropian. Nga ana teknike ura mund të lëshohet për qarkullim brenda gjysmë ore. Nga ana politike kjo varet prej Serbisë, pasi që autoritetet e Kosovës nuk po munden të sigurojnë qarkullimin e lire të njerëzve dhe mallrave në gjithë territorin e Kosovës që është detyrë kushtetuese e institucioneve të vendit”, thotë Spahiu, për tesheshi.com.

I ashtuquajturi “Parku i Paqes” mbi urën kryesore mbi lumin Ibër, është vendosur me 18 qershor të vitit 2014, vetëm disa orë pas heqjes së barrikadës së mëparshme me rërë dhe gurë, nga ana e autoriteteve lokale të Mitrovicës së veriut. /tesheshi.com/

 

auto pjese dak

Related posts