Auto Dak
Auto Dak

Turqi: fëmijët i falen Ataturkut, hetime nga Ministria e Arsimit (video)

Ministria e Arsimit në Turqi ka filluar një hetim rreth një shfaqjeje që ka tërhequr vëmendjen e publikut turk këto ditë. Konkretisht, në disa shkolla private, mësuesit i detyruan fëmijët të bënin një “falje” (referuar aktit të faljes ndaj Zoti), e kjo para fotos së Kemal Ataturkut.

Ky ritual është një pjesë integrale e përkujtimit të përvjetorit të vdekjes së njeriut që themeloi Republikën e Turqisë pasi i vuri “kazmën e fundit” udhëheqjes osmane. Shkollat private në pronësi të ithtarëve të ideologjisë së Ataturkut, shënojnë vdekjen e tij në këtë mënyrë për vite me rradhë.

Por në terma besimi, kjo formë nderimi për ish-figurën e lartë udhëheqëse të Turqisë, kjo shkon kah blasfemia, pasi zgjidhet të adhurohet njeriu porsi Zoti, apo më keq akoma, adhurohet njeriu e jo Zoti.

Qeverisja aktuale e Turqisë, e cila lidhet me emrin e Erdoganit, është konsideruar jo pak si islamiste, që kur erdhi në pushtet në 2003, duke aluduar se kërkon të “zbresë nga froni” Ataturkun, të cilin e pasojnë edhe kastat ateiste të shoqërisë. Por në fakt, atij i është dhënë nderimi edhe në epokën erdoganiste, duke iu njohur roli shtetformues. Ndërsa pamjet e diskutueshme të formës së ardhurimit të tij nga nxënës shkollash, janë konsideruar si një goditjeje ndaj principit bazë të besimit, pasi forma e adhurimit të Zotit nuk mund të jetë ajo e ardhurimit të njerëzve. /tesheshi.com/      

 

auto pjese dak

Related posts