Auto Dak
Auto Dak
Auto Dak

Tej fasadës: SHBA, fushatë “të fshehtë” diplomatike për import të pajisjeve mjekësore

Raportohet nga disa media se Departamenti i Shtetit po udhëzon diplomatët e tij që të bëjnë presion ndaj qeverive dhe njerëzve të biznesit në Evropën Lindore dhe Euroazi për të rritur prodhimin dhe eksportet e pajisjeve mjekësore dhe veshjeve mbrojtëse në Shtetet e Bashkuara, një shenjë e një fushate diplomatike të dëshpëruar për të kompensuar mungesën brenda sistemit mjekësor amerikan.

Kjo është plotësisht në kundërshtim me rolin tradicional të SHBA në krizat globale, katastrofat dhe epidemitë, të cilat rregullisht kanë marrë drejtimin dhe kanë ndihmuar vendet më pak të zhvilluara.

Një apel i tillë për shtetet e tjera minon pretendimet e Presidentit Trump, i cili vazhdimisht argumentoi se SHBAtë mund të siguronin teste dhe pajisje mjekësore, ndërsa refuzonin të zbatonin Ligjin e Prodhimit të Mbrojtjes, i cili do të kërkonte nga kompanitë amerikane të prodhonin pajisje shumë të nevojshme.

 Trump vazhdimisht është duke u mburrur që një numër i madh i kompanive amerikane mund të fillojnë menjëherë prodhimin e pajisjeve, dhe përmendi Ford dhe General Motors, të cilët thonë se u duhet pak kohë për t’u përgatitur dhe vetëm se mund të fillojnë prodhimin serioz në një muaj. Trump tha dy ditë më parë se “mund të filloja tani”!

Ndërkohë, raportohet se njw nwpunës i Departamentit të Shtetit, David Hale ka kërkuar nga të gjitha misionet diplomatike të zbulojnë se çfarë “pajisje kryesore mjekësore” një vend i huaj mund t’i shesë Shteteve të Bashkuara. Ky është një e-mail i brendshëm i dërguar ambasadave në Evropë dhe Euroazi.

“Në varësi të nevojave kryesore, Shtetet e Bashkuara po kërkojnë të blejnë pajisje me vlerë disa qindra milion dollarë”, thuhet në email, duke theksuar se vetëm nga Rusia nuk do të kërkohej.

Mesazhi nënvizon ashpërsinë e krizës shëndetësore të shkaktuar nga virusi Corona në Amerikë dhe hedh dritë mbi rolin e Departamentit të Shtetit në krizë. Kjo është gjithashtu një kthesë e mprehtë në politikën e jashtme amerikane, pasi SHBA tani bën thirrje për ndihmën e atyre vendeve të cilave u ka siguruar ndihmë jetike për vite me rradhë.

Shtëpia e Bardhë u përpoq të devijonte kritikat për reagimin e saj të ngadaltë ndaj pandemisë duke theksuar origjinën e dukshme të virusit në qytetin kinez Wuhan. Trump dhe zyrtarë të tjerë të lartë e kanë quajtur virusin Covid-19 një “virus kinez” ose “virus Wuhan”, duke hedhur poshtë kritikat nga Organizata Botërore e Shëndetit (OBSH) dhe të tjerët se emërtimi i virusit në një vend të caktuar do të stigmatizonte banorët e tij.

Kina, ndërkohë, ka filluar dërgimin e furnizimeve mjekësore dhe pajisjeve mbrojtëse në vendet e prekura nga pandemia, përfshirë Italinë dhe Iranin. Në një shembull të fundit, Pekini dërgoi miliona maska ​​dhe pajisje të tjera mjekësore në Republikën Çeke, pas së cilës ministri i Brendshëm Jan Hamacek tha se Kina ishte “vendi i vetëm i aftë për të furnizuar Evropën me sasi të tilla”. /tesheshi.com/

auto pjese dak

Related posts