Auto Dak
Auto Dak

SKANDALI/ Misteri i videos së “kurthit tundues” që rrëzoi qeverinë austrake

Ishte një natë e ngrohtë vere në një vilë luksoze në Ibiza të Spanjës. Për darkë, kishte ushqim luksoz deti me shampanjë, vodka dhe Red Bull, pija e preferuar e politikanit austriak të ekstremit të djathtë, Heinz-Christian Strache.

Ai erdhi nga darka në vilë për të takuar një grua të bukur dhe elegante, të veshur me një fustan firmato dhe taka të larta. Ajo u prezantua si Alyona Makarova, mbesa e pasur e oligarkut rus Igor Makarov.

Strache ishte i dalldisur, jo nga gruaja që e përshkroi si “tërheqëse” por nga propozimet që ajo i bëri për ta mbështetur Partinë e Lirisë”, në këmbim të disa marrëveshjeve korruptive.

Por e vërteta është se Makarov nuk kishte fare mbesë.

E gjithë mbrëmja që ndodhi në korrik të 2017 ishte një kurth që u krye me ndihmën e një gruaje të bukur dhe veturave sportive Mercedes Maybach e BMW M4. Kurthi të cilin z. Strache e hëngri e ka fundosur atë politikisht.

E gjithë mbrëmja ishte filmuar, gjë që tregon se operacioni ishte i planifikuar mirë dhe i mbështetur financiarisht nga kush e di kush.

Skandali i publikuar nga dy gazetat gjermane Suddeutsche Zeitung dhe Der Spiegel bëri që një qeveri e tërë të bie, dhe profili i politikanëve të ekstremit të djathtë të marrë ngjyrimet e vërteta.

Kamerat e fshehura dhe mikrofonat ishin instaluar mirë në ndërprerësit e llambave dhe në prizat elektrike.

Mikrofonat kapën çdo fjalë të nxjerrë gjatë takimit i cili zgjati pothuajse shtatë orë, thonë gazetat.

Skandali që përcolli “Ibiza-gate” nuk shkaktoi dorëheqjen vetëm të zv.kancelarit Strache, por bëri që qeveria austriake të kolapsohej, dhe konservatorët e kancelarit Sebastian Kurz të mos kenë më aleat të ekstremit të djathtë, siç i kishte ata të Partisë së Lirisë.

Kush ishte pas videos?

Ka shumë informacione e spekulime, por asnjë përgjigje konkrete.

As Suddeutsche Zeitung as Der Spiegel nuk kanë zbuluar se nga e kanë marrë burimin e videos.

Në fjalimin e tij të dorëheqjes, Strache tha se kishte qenë viktimë e një “sulmi të padrejtë politik”. Sipas tij, videoja ishte “kurth tundues” i bërë nga agjencitë e inteligjencës.

Por ai nuk specifikoi se në cilat shërbime sekrete po dyshonte. Ai aludoi në një mjek izraelit – Tal Silberstein, i cili ka lidhje me opozitën e qendrës së djathtë social demokrate, por akuza hodhi edhe kah komiku gjerman Jan Bohmermann.

Silberstein ka dënuar “akuzat e rreme dhe të pabazuara” të Strache si një përpjekje për të larguar vëmendjen nga skandali.

Por Bohmermann nuk është edhe aq i pa përfshirë, me gjasë. Gjatë një video-prezantimi me rastin e marrjes së një çmimi, ai tha se nuk mund të vinte pasi ishte në një vilë në Ibiza me disa oligark rus për disa biznese me shokët e tij të partisë.

A mund të jetë përfshirë Rusia?

Ka spekulime rreth lidhjeve të mundshme me Rusinë, duke pasur parasysh faktin se gruaja në video paraqitej si mbesa e një oligarku rus.

Kremlini, në anën tjetër, ka mohuar se ka të bëjë me videon.

Analistët thonë se do të ishte e pakuptimtë nëse qeveria ruse do të qëndronte mbrapa, pasi tradicionalisht ata kishte marrëdhënie të përzemërta me Partinë e Lirisë, e cila ka një marrëveshje bashkëpunimi me Partinë e Bashkuar të Presidentit rus Vladimir Putin.

Ata thonë se shkak për publikimin e videos mund të ketë qenë frika e ndikimit të Rusisë në politikën austriake dhe evropiane, pak para zgjedhjeve ku ekstremi i djathtë pritet të marrë mjaft ulëse.

Por pse kanë dalë pamjet e vitit 2017 pikërisht tani? Thashethemet kanë qarkulluar për muaj të tërë, por publikimi doli tek tash.

Disa thonë se ajo mund të mos ketë të bëjë fare me ndërhyrjen e huaj dhe është një çështje e brendshme austriake; ndoshta një hakmarrje politike ose personale.

Të tjerë mendojnë se ndoshta mund të jetë një lloj hakmarrjeje ndaj mafias. Por këto janë të gjitha spekulime. /tesheshi.com/

auto pjese dak

Related posts