Ministri francez i Mbrojtjes Sebastian Lecornu tha sot se ai planifikon të krijojë një “forcë ndërhyrjeje” evropiane nga viti 2025.
Presidenti francez Emmanuel Macron përsëriti dje sugjerimin e tij që forca të tilla të formohen për të forcuar sovranitetin evropian në mbrojtje.
“Ka shumë kriza ku NATO nuk është e përshtatshme dhe ku Franca e vetme kryen operacione. Një shembull i qartë është evakuimi i qytetarëve tanë nga vendet në krizë,” tha ministri francez i mbrojtjes Lecornu për televizionin France 2.
Ai shtoi se projekti i forcave të ndërhyrjes do të synojë sigurimin e shpejtë të të gjithë qytetarëve evropianë.
Lecornu tha gjithashtu se tashmë ka filluar diskutimin e planit me homologët e tij evropianë, në mënyrë që ata të jenë gati vitin e ardhshëm.
Kështu, Franca po tenton ta bëjë realitet shkëputjen e BE-së nga varësia amerikane në fushën e mbrojtjes.
Mesazhet e një dite më parë të Presidentit Macron, ishin në thelb një antiamerikanizëm i pastër. Vizioni i tij mbi BE-në është ai i një fuqie globale që të mëvetshme, pa hijen e SHBA-së. /tesheshi.com/
