Auto Dak
Auto Dak
Auto Dak

Rama merr dibranin e Bashkisë së Londrës në skuadër: Emigracioni na mbajti gjallë!

Kryeministri Rama bëri prezantimin e radhës të të ftuarit në skuadrën e tij të 25 prillit, i cili vjen nga emigracioni, më saktë nga Londra, nga bashkia e kryeqytetit britanik.

Fjala është për një dibran, Lavdrim Krashi.

“Një emigrant nga Londra do jetë pjesë e skuadrës. Lavdrim Krashi prej Dibre, ikur prej shumë vitesh. Sot shërbëtor publik i qytetarëve të Londrës në bashkinë e Londrës, njëkohësisht një njeri i respektuar në komunitetin e shqiptarëve, me dibranët, se janë njëherë dibranët pastaj  vijnë tjetër”, tha Rama.

Krashi tha se ishte impresionuar fillimisht nga ndërtimi i Rrugës së Arbit.

“Jam lindur rritur arsimuar në Dibër. Punoj në bashkinë e Londrës dhe jam drejtues i planifikimit urban dhe i strehimit.

Që të jem i sinqertë, Ramën e kam parë me skepticizëm kur thoshte do ta ndërtojmë Rrugën e Arbrit. Tani  që është bërë gjysma e shoh me kënaqësi”, tha njeriu që nga Londra do kthehet në Tiranë për të marrë përgjegjësi politike.

Dhe në kulmin e debatit mbi ikjen, Rama ofroi një tjeyër qasje nga ajo standarte.

“Pa emigracionin masiv, Shqipëria do të ishte një i vdekur klinik, shtrirë përtokë në mes të Europës”, theksoi ai.

“Në mjedisin tonë publik debati s’ka shkuar asnjëherë përtej politikës së sherrit. Edi Rama përzuri 1 milion, erdhi Rama ikën 600 mijë, si janë në të vërtet faktet?

Disa shifra të thjeshta: në 2008-2013, kemi më shumë të largur se në 2014-2018. Është dokument zyrtar. Në 2008 kemi afër 100 mijë njerëz brenda 1 viti,  trendi vjen në ulje. Kemi trend të qëndrueshëm me një ngritje dhe rizbritje. Kemi dhe të rikthyer”, argumentoi shefi i qeverisë. /tesheshi.com/

 

 

auto pjese dak

Related posts