Auto Dak
Auto Dak
Auto Dak

PROVA/ A u vaksinua Rama me ujë? Kryeministri për dyshuesit konspirativë: takohemi në dozën e dytë!

Kryeministri Rama hodhi sërish kritika ndaj BE-së sa i përket vaksinave, duke thënë se ishte i detyruar të futej në negociata bilaterale me Pfizerin.

Në një fjalim në seancën e parë parlamentare për 2021, Rama shpalli synimin për një proces vaksinimi total në 14 muaj.

“Për fat të keq, në konceptin e  planifikimit të marrjes së aksesit në vaksinim përmes Pfizer, BE nuk pa përtej kufijve të vetvetes dhe faktikisht e la fatin e vaksinimit të rajonit të Ballkanit në atë që u quajt mundësi për marrëveshje bilaterale.

Përjashto Serbinë dhe Shqipërinë, asnjë nuk ka filluar vaksinimin. Të gjitha vendet e rajonit prej kohësh kanë parapaguar për të pasur akses përmes COVAX, një platformë për të gjithë por që ende nuk është hapur. Ende nuk ka filluar furnizimi përmes COVAX.

Ne e kemi ndeshur në vet të parë vështirësinë. Ka një element që duhet pasur parasysh që vendet për të bërë marrëveshje me njëra-tjetrën, qoftë për të dhuruar, shitur apo shkëmbyer duhet patjetër që të marrin leje nga Pfizer. Ndryshe ky transaksion është i pamundur. Kështu shkruhet edhe në marrëveshjen që ne sapo kemi konkluduar. 

Sipas marrëveshjes në parim, do të vijë brenda janarit dhe pastaj shkallë shkallë mund të porosisim sasi të tjera edhe drejpërdrejt nga Pfizer, mëqe e kemi dakorduar edhe në marrëveshje.  Ky është një proces që ka të papriturat e veta“, tha Rama.

Ai gjithashtu avokoi cilësinë efektivitetin e vaksinës së ardhur në Shqipëri, në luftë me dyshimet konspirative.

“Është shumë e rëndësishme të kemi parasysh se vaksinimi ka dy efekte të menjëhershme: efekti i drejtpërdrejtë te personi që vaksinohet dhe tjetri është këputja e zinxhirit të transmetimit të infeksionit.

Në momentin që kompania do të bëjë furnizimin e parë për të sjellë 10700 vaksinat e para në Shqipëri, ne do të ndjekim të njëjtin proces si në të gjitha vendet e tjera, për të hequr ccdo sekëlldi të krijuar nga gjithëfarlloj tra-la-lash.

Sidoqoftë, në momentin kur pjesa që ka bërë vaksinën do duhet të rikthehet për të marrë dozën tjetër, cilido që është i gatshëm, unë po, të bëjë një transparencë mbi antitrupat, për të parë që realisht vaksina është marrë ajo që thuhet dhe ka bërë të gjithë efektin e parashikuar.

Është e rëndësishme, meqë kam parë dhe analistë e opinionistë të rangut të lartë që kanë hedhur idenë se jam injektuar me ujë biologjik, ky është një nivel analize shumë i lartë për ne njerëzit e zakonshëm, por iu duhet dhënë mundësia atyre që i ndjekin këta analistë, të mësojnë të vërtetën”, tha Rama. /tesheshi.com/

auto pjese dak

Related posts