Auto Dak
Auto Dak
Auto Dak

Një meteor shpërtheu mbi Antarktidë 430,000 vjet më parë

Një meteorit rreth 90 metra i gjerë shpërtheu mbi Antarktidë 430,000 vjet më parë dhe kështu dërgoi një top zjarri me material alien në sipërfaqen e akullit, sipas hulumtimit të fundit nga shkencëtarët që jetojnë në Polin e Jugut.

Shpërthime të tilla besohet të ndodhin më shpesh sesa rënia e meteorëve ose asteroidët shumë më të mëdhenj që lanë kratere në Tokë, siç është ai që shkatërroi dinosaurët 66 milion vjet më parë, raporton CNN.

Zbulimi i shkëmbinjve të tillë hapësinorë është, megjithatë, shumë më i vështirë, pasi ato lënë shumë pak gjurmë në të dhënat gjeologjike.

Matthias van Ginneken, një studiues në Universitetin e Kentit, mblodhi 17 grimca të errëta, më pak se një milimetër, të padukshme për syrin e njeriut, ndërsa ishte në një ekspeditë në malin Sor Rondane, në Antarktidën lindore, ku ndodhet stacioni i kërkimeve belge “Princesha Elisabeth”.

“Së pari vura re se disa prej tyre duken sikur janë ngjitur me njëri-tjetrin, gjë që do të duhej të ndodhte kur grimcat të shkriheshin. Kjo do të nënkuptojë se shumë prej tyre ndërveprojnë kur janë në një temperaturë shumë të lartë. Kjo është mënyra e vetme e arsyeshme për të shpjeguar se ishte një goditje e madhe,” tha Van Ginneken, autori kryesor i studimit, i cili u botua në revistën Science Advances. /tesheshi.com/

auto pjese dak

Related posts