Auto Dak
Auto Dak

Mogherini, darkë me Thaçin e Daçiçin në Nju Jork: rinisni dialogun!

Ministrja e Jashtme në ikje e BE-së, Federica Mogherini, në një takim mbrëmë në Nju Jork dhe drejtuesit e Ballkanit Perëndimor, mbështetën vazhdimin e dialogut Beograd-Prishtinë dhe bënë thirrje për marrëveshjen e detyrueshme së shpejti për normalizimin e marrëdhënieve mes tyre.

Mogherini mbajti një darkë tradicionale pune me ta në kuadër të seancës së 74-të të Asamblesë së Përgjithshme të OKB-së.

Në darkë morën pjesë presidenti i Kosovës Hashim Thaçi, kryeministri i Maqedonisë Veriore Zoran Zaev, ministri i Jashtëm serb Ivica Daçiç, si dhe ministri i Jashtëm i Bosnjës, Igor Crnadak.

“Të gjithë mbështesin vazhdimin e dialogut Serbi-Kosovë dhe arritjen e afërt të një marrëveshje juridikisht detyruese për normalizimin e plotë të marrëdhënieve”, thuhet në një deklaratë të Komisionit Evropian.

Gjithashtu, Mogherini dhe përfaqësuesit e rajonit u  zotuan të mbështesin hapjen e negociatave të pranimit të Maqedonisë Veriore dhe Shqipërisë, të cilat i vlerësuan si vendimtare, si për të dy vendet, ashtu edhe për rajonin dhe Bashkimin.

“Të gjithë partnerët nga Ballkani Perëndimor riafirmuan angazhimin e tyre të fortë ndaj perspektivës së BE, duke këmbëngulur për reforma të vazhdueshme, bashkëpunim rajonal dhe marrëdhënie të fqinjësisë së mirë”, thuhet në deklaratë. /tesheshi.com/

 

 

 

auto pjese dak

Related posts