Auto Dak
Auto Dak
Auto Dak

MESAZHI/ Fjalët e zgjedhura të Jurgen Klopp: përballë koronavirusit, edhe futbolli “pa imunitet”

Trajneri i Liverpulit u përcolli dje një mesazh tifozëve të klubit pas pezullimit të Premier League-s deri në fillim të prillit.

Në mesazhin e publikuar në faqen zyrtare elektronike të Liverpool-it, Jurgen Klopp u shkruan ndër të tjera mbështetësve të skuadrës së drejtuar prej tij:

“Para së gjithash, të gjithë ne duhet të bëjmë ç’është e mundur për ta mbrojtur njëri-tjetrin. E kam fjalën, në shoqëri. Kështu duhet të jetë gjatë gjithë kohës në jetë, por në këtë moment mendoj se vlen më tepër se kurrë.

“E kam thënë dhe më parë se futbolli duket gjithmonë si gjëja më e rëndësishme e gjërave më pak të rëndësishme. Futbolli dhe ndeshjet e futbollit nuk janë vërtet fare të rëndësishme sot.

Vendimi dhe njoftimi i sotëm po zbatohen me motivin e mbajtjes së njerëzve të sigurt. Prandaj e mbështesim atë plotësisht… Ky virus ka treguar se të jesh pjesë e futbollit nuk të jep imunitet…

Asnjë nga ne nuk e di në këtë çast përfundimin, por si ekip duhet të kemi besim se autoritetet i marrin vendimet të mbështetur në moralitetin dhe gjykimin e shëndoshë.

Mesazhi nga ekipi për mbështetësit tanë është vetëm për qenien e tyre mirë. Vini shëndetin të parin… Mendoni për më të dobëtit në shoqërinë tonë dhe veproni ku është e mundur me dhembshuri për ta”, ishin fjalët e zgjedhura të trajnerit të famshëm gjerman.

Në Europë nuk ka më futboll, së paku për të ardhmen e afërt. Asnjë parashikim nuk është i mundur, por pesimistët thonë se sezoni futbollistik aktual mund të mos arrijë të mbyllet. Gjithçka është në varësi të përhapjes së koronavirusit.

Bundesliga u bë kampionati i fundit i pezulluar në ligat kryesore. Edhe në ato kampionate të vendeve europiane ku vijon të luhet akoma, dyert janë të mbyllura. Është futboll i cunguar, që nuk mund të rezistojë, ndoshta as një javë.

Liverpool-i rrezikon të humbasë në Premier League atë që e kishte pritur prej tridhjetë vitesh, trofeun e kërkuar sezon pas sezoni. Shkëputja e jashtëzakonshme në pikë me rivalët mund të shumëzohet me zero nëse vihen në punë skenaret më të errët. Thuajse e sigurt është se edhe nëse shpallet kampion, festimet do të jenë të mangëta, mbase të munguara fare.

Europiani i kësaj vere as që duket se do të luhet; rishikimi i kalendareve kur e keqja e koronavirusit të ketë kaluar e bën gati të pamundur zhvillimin e tij.

Çfarë po ngjet në botën e futbollit, posaçërisht në atë europian, mund të përmblidhet me dy fjalë: kaos dhe kolaps! /tesheshi.com/

 

auto pjese dak

Related posts

WP2Social Auto Publish Powered By : XYZScripts.com