Auto Dak
Auto Dak
Auto Dak

Kosova merr kredi nga BERZH: rreth 40 milionë euro për rehabilitimin e hekurudhave

Kosova nënshkroi marrëveshjen më të madhe të kredisë, deri tani, me Bankën Europiane për Rindërtim dhe Zhvillim me një vlerë prej 39.9 milionë euro, para që do të shkojnë tërësisht për rehabilitimin e sistemit hekurudhor të vendit.

Me anë të një postimi në Facebook, ministri i Financave, Avdullah Hoti, shpjegon kushtet e kredisë dhe sesi këto para janë lehtësisht të kthyeshme për shkak se hekurudhat që lidhin Kosovën me Maqedoninë dhe Serbinë sjellin përfitime.

Norma e interesit është, sipas ministrit, vetëm 1 për qind. Pjesa tjetër e parave që duhen për zbatimin e projektit do të merren nga një kredi tjetër e BERZH me vlerë 41,1 milionë euro që do të nënshkruhet në një kohë të dytë dhe nga një grant i Komisionit Europian prej 79.8 milionë eurove.

Vlerës do t’i shtohen edhe grante më të vogla nga BERZH por edhe një kontribut nga qeveria e Kosovës.

“Kredia do të financojë rehabilitimin e hekurudhës nga kufiri me Maqedoninë në Hanin e Elezit deri në Leshak në kufi me Serbinë, në gjatësi prej 148 km me kosto totale prej 195.5 milionë euro, ndërsa projekti shkon në tre faza”, shkruan ministri Hoti.

Kushtet e kredisë dhe norma e ulët e interesit, sipas tij, e bëjnë të përballueshme nga buxheti i shtetit.

Tani, shton ministri duhet të realizohet ngritja e kapaciteteve të  kompanisë publike “Infrakos” për të zbatuar projektin dhe për të kontribuar në kthimin e kredisë përmes gjenerimit të të ardhurave nga hekurudhat. /tesheshi.com/

 

auto pjese dak

Related posts