Auto Dak
Auto Dak
Auto Dak

(JO)ALEANCAT/ E pathëna e 24 prillit: PS vjen me një standart, pse s’e ndjek dot PD?

Me ç’standart të ri vjen PD në këto zgjedhje? Është kjo pyetja e parreshtur që duhet t’i bëhet këto kohë kreut të saj Basha. Risia apo standarti, si në çdo fushë ku ka garë, janë lënda e fuqishme e çdo garuesi. Pas 7 e kusur vitesh në opozitë, PD i detyrohet opinonit t’i sqarojë se çfarë ka ndryshuar diç te ajo, pra cila është risia apo standarti që sjell në garën e pritshme, si diferencë nga kundërshtari.

PS nga ana e saj, pas 7 vjet e kusur në pushtet, plus që duhet të sqarojë bilancin e saj qeverisës dhe të na bindë se çfarë ka ndryshuar për mirë nën pushtetin e saj, në aspektin politik ofron një risi, një standart, të cilin, PD, për dinjitetin e saj, duhej ta kish ndjekur. PS, për herë të parë pas afro 25 vitesh me aleanca, ku të vegjël tekanjozë dhe ushunjoze (Laço-parti i quante me tallje Nano), u ngjiten “pas këpuce” dy të mëdhenjve, ka vendosur të dalë e vetme në zgjedhje. Kjo është hera e dytë, pasi e provoi njëherë më 2017. Dhe ia doli.

Kjo është një “Bravo” e madhe politike që ajo e meriton.

Nga ana tjetër, PD, është dorëzuar tërësisht në fatin e saj te ushunjat klasike me sigla gjithfarëshe, që ndonëse të njohura, janë të provuara që s’vlejnë për asgjë, por dhe nëse vlejnë për një moment, dëmi i tyre është më i madh se dobia. Dobia mund të jetë e përkohshme, dëmi është i përhershëm, për sa të ekzistojnë dhe synojnë të marrin llokma pushteti. Dhe në këtë pikë s’bën përjashtim asnjëra, sado të kenë ndonjë profil. Pos kësaj, PD e ka lënë veten të varur te namkeqja LSI, e cila, nuka ka gjasë t’ja rrisë votat praktikisht, e moralisht e zhyt më keq akoma në batakun politik ku ndodhet.

Nuk është pa peshë psikologjike fakti që në përballjen e 24 prillit, PS do dalë e vetme përballë një kundërshtari që vjen me një shpurë ndihmësish nga pas.

Ajo që lexohet te votuesi si superioritet fizik, në fakt është inferioritet psikologjik.

Çështja është se PD do ta dëshironte ta ndiqte PS-në këtë standart të vënë prej saj por s’mundet. Kjo është dobësia fatale e saj! /tesheshi.com/       

auto pjese dak

Related posts