Auto Dak
Auto Dak

INTERESI/ SHBA: qëndrojmë në Siri vetëm për të ruajtur fushat e naftës

Teksa trupat amerikane bënë një tërheqje të nxituar dhe gati kaotike nga Siria verilindore, po të njëjtit do të qëndrojnë në disa pika kyçe për ta, për të siguruar fushat e naftës. Lajmin e ka konfirmuar Sekretari i Mbrojtjes së SHBA-ve Mark Esper, por nuk ka dhënë detaje të mëtejshme.

Esper theksoi se propozimi për të lënë një numër trupash në lindje të Sirisë kishte për qëllim t’i jepte presidentit “hapësirë manovrimi”.

Sidoqoftë, fakti që një plan i tillë ishte në shqyrtim e sipër, është një tjetër shenjë që administrata Trump është akoma në procesin e “përzgjedhjeve të strategjisë.

Lëvizja e papritur nga Uashingtoni në thelb ia pastroi rrugën Turqisë që kjo e fundit të spastronte territorin nga milicia kurde që ka pretendime territoriale edhe në vet shtetin turk.

Ndërsa Trump ka këmbëngulur që ai po sjell në shtëpi ushtarët e tij pasi “luftërat nuk po kanë fund”, Esper tha se të gjitha trupat amerikane që largohen nga Siria do të shkojnë në Irakun perëndimor, pasi ushtria amerikane do të vazhdojë operacionet kundër ISIS-it.

Lufta në Siri kundër ISIS -it dikur që drejtuar nga SHBA-të, të cilat në vend se të kyçnin ushtarët, zgjodhën si partner strategjik milicitë kurde që i bënë zap forcat e tyre të terrorit.

Tani që amerikanët kanë ikur, ka pasur një dilemë të madhe se çfarë do të ndodhë me të burgosurit e kurdëve, të cilët Turqia ka thënë se do t’i dërgoj secilin në shtëpitë e tyre për gjykim.

Një gjë të tillë nuk e duan aspak vendet evropiane, të cilat kanë pasur një numër të konsiderueshëm të të infiltruarve. Sado që Trump ka thënë vazhdimisht se ISIS-i është mposhtur, “loja” që kanë në duar kurdët për të liruar grerëzat e organizatës terroriste po shihet si tejet e rrezikshme.  /tesheshi.com/

auto pjese dak

Related posts