Auto Dak
Auto Dak
Auto Dak

INCIDENTI/ “Provokacija” e një serbeje te Ura e Ibrit: me flamur drejt jugut, kapet “për zverku” nga polici kosovar

Mediat serbe raportuan pamjet e një incidenti që ndodhi katër ditë më parë në Urën e Ibrit që ndan Mitrovicën në jugore e veriore, ku te kjo e fundit dominon popullsia serbe.

Videoja tregon një grua me një flamur serb, duke lëvizur nga pjesa veriore (serbe) për në jug (shqiptare), me arsyetimin se do vizitonte varret e prindërve të saj.

Mirëpo tej këtij dimensioni të natyrshëm njerëzor, ajo ka patur me vete dhe  një flamur serb, të cilin e valëviste gjatë kalimit të urës, e këtë  në një formë shumë sfiduese, deri dhe provokative.

Por e gjithë performanca e saj nacionaliste ngeci kur ndeshi me një anëtar të policisë së Kosovës, i cili, thënë ndryshe, e “kapi për zverku” për të mos e lënë që të vijojë më tutje “provokacija”-n e saj.

Polici kosovar u ndihmua dhe nga  efektivë të KFOR-it, që gjithashtu penguan gruan serbe që të kalonte në jug me flamurin serb.

Ajo u tha mediave se “nuk gjykoi se me flamurin serb do të provokonte njeri”.

Ura e Ibrit në Mitrovicë, vijon të jetë një simbol i fortë armiqësie mes serbëve dhe shqiptarëve. Kjo urë e ka ndarë qytetin në dy pjesë që nga përfundimi i luftës. /tesheshi.com/

auto pjese dak

Related posts