Auto Dak
Auto Dak
Auto Dak

Greqia, një kërkesë Brukselit për Turqinë

Në një letër drejtuar komisionerit të Zgjerimit Oliver Varhelyi, Ministri i Jashtëm grek Nikos Dendias kërkoi të shqyrtonte mundësinë e pezullimit të bashkimit doganor me Turqinë.

Dendias tha në letër se Ankaraja “vazhdon të shkelë në mënyrë të njëanshme” bashkimin doganor duke miratuar masa doganore, ligjore dhe të tjera që nuk parashikohen nga ajo marrëveshje, njoftoi të martën agjencia greke e lajmeve Ana, duke iu referuar burimeve diplomatike.

Tensionet midis Greqisë dhe Turqisë u përshkallëzuan pasi Turqia ri-dërgoi anijen e saj kërkimore “Oruc Reis” në ujërat jashtë ishullit Kastelloriza javën e kaluar, për të cilën Turqia dhe Greqia besojnë se kanë të drejtë për to.

Presidenti i Këshillit evropian, Charles Michel kritikoi vendimin e Ankarasë për të vazhduar kërkimin për gaz në Mesdheun lindor pas samitit të BE dhe kujtoi se Bashkimi Evropian do të rishikojë situatën dhe futjen e mundshme të sanksioneve në samitin në dhjetor.

BE, e gatshme të flasë me Ankaranë

Greqia dhe Qipro bëri thirrje për një përgjigje më të mprehtë të Bashkimit Evropian ndaj kërkimit të gazit natyror turk në Mesdheun lindor, për të cilin pretendojnë si Ankaraja dhe Nikosia, në një samit të udhëheqësve evropianë javën e kaluar, por u tha që të përmbahen dhe të presin për një samit të ri në dhjetor.

Presidenti francez Emmanuel Macron tha pas takimit se udhëheqësit evropianë kishin konfirmuar mbështetjen e tyre për Greqinë dhe Qipron, por ishin gjithashtu të hapur për bisedime me Ankaranë.

Presidenti turk Rexhep Tajip Erdogan ka thënë vazhdimisht se Turqia nuk dëshiron të rrezikojë të drejtat e askujt, por nuk dëshiron që askush tjetër të rrezikojë të drejtat e vendit të tij. /tesheshi.com/

auto pjese dak

Related posts