Auto Dak
Auto Dak
Auto Dak

Ftesa: Heroizmi me COVID-in çon Dr. Najada Çomon drejt parlamentit

Najada Çomo, një ndër emrat simbol të krizës COVID ndër bluzat e bardha, do jetë në ekipin e PS-së si kandidate  për deputete në zgjedhjet e 25 prillit.

Drejtuesja e Spitalit Infektiv, e cila nuk ka patur ndonjë angazhim politik deri më sot, ka marrë një ftesë nga Rama për të qenë pjesë e parlamentit, por dhe në qeverisë, siç la të kuptuar ky i fundit.

“Mbase është momenti për ta thënë që të gjithë ta dëgjojnë: jam mirënjohës edhe për një fakt tjetër, duke marrë parasysh se në këtë udhëkryq Shqipëria duhet të flasë, duhet të ndjejë, të jehojë zërin, në radhë të parë të atyre që janë në vijën e parë të kësaj lufte, është me siguri një arsye për të reflektuar lidhur me vet skuadrën tonë. Është një arsye për të bërë një hap dhe për të shtrirë dorën e lutjes duke kërkuar që dikush, dhe kush më mirë se sa komandantja e vijës së zjarrit të vijë me ne.

Të vijë me ne jo për tu bërë deputetja e radhës në grup deputetësh, as për të lënë vijën e zjarrit dhe për t’u ulur në një nga karriget që janë shumë më të rehatshme, jo aq sa njerëzit mund të mendojnë, por për të qenë aty sa herë që duhet që zëri i brendshëm i atyre hapësirave ku lufta është një luftë sy më sy dhe kacafytëse me armikun, të mos i mungojë parlamentit, të mos i mungojë njerëzve, të mos i mungojë qeverisë dhe të kuptojë më shumë në sinkron me njerëzit dhe sigurisht në sinkron me ju.

Në mënyrë spontane nxora një sekret të vogël që nuk ishte i supozuar të dilte sot pasi ne me shumë kënaqësi morëm aprovimin tënd dhe të jap fjalën që ne nuk duam që të bëhesh si ne, por ne të bëhemi si ty. Prandaj të duam pranë nesh, shumë faleminderit”, tha Rama. /tesheshi.com/

 

auto pjese dak

Related posts