Auto Dak
Auto Dak
Auto Dak

Çnderimi në Kukës: Veton Surroi vetëndihet Havzi Nela, çnderuesit kërkojnë falje

Veton Surroi është vetëndjerë si Havzi Nela i pushkatuar nën komunizëm, poeti i njohur kuksian, duke komentuar heqjen e titullit “Qytetar Nderi”, vendim i marrë nga Këshilli i Qarkut Kukës.

“Ishte pa këndshme por është një lajm në zhvillim dhe pas vendimit pashë që kryetari i bashkisë kërkoi falje. Nuk e di se ku gjendet dhe ku do të gjendet pas një orë kjo punë. Ishte pakëndshme dhe forma se si u veprua, u zhvillua një lloj gjyqi politik në të cilin më la mbresë formulimi ‘le ta shkarkojmë tash, format do t’i marrim më vonë’. I ngjasonte pak gjykimeve politike dhe gjykimet politike në Kukës dhe për fat të keq ato kanë pasur pasoja të këqija në kohën e komunizmit. Fati i mirë është që jemi në një sistem tjetër se për ndryshe kjo punë përfundonte edhe më keq”, tha Surroi për EuroNews Albania.

Nga ana tjetër, pas një statusi të ashpër të kryeministrit Rama, në adresë të vartësve të tij politikë në qytetin verior, ka ardhur pendesë dhe kërkimfalja.

Kreu i Këshillit të Qarkut të Kukësit, Avdullah Domi, tha se gjithçka kishte qenë emocionale.

“Morëm indicie nga një letër e dërguar në Këshillin e Qarkut. Ishin emocionet që na shtynë në një vendim të tillë që nuk duhej marrë apo që nuk ishte momenti i duhur. Kërkesa është depozituar para 3-4 ditësh. Në relacionin përmbledhës nuk kishte argumente ligjore por argumente moralë. Kjo çështje nuk ka lidhje me gjyqin e UÇK-së në Hagë është një rastësi”, tha z. Domi.

“Tashmë ky vendim është marrë dhe ka institucione të tjera që e konfirmojnë apo jo. Do të shohim hapat që do të ndiqen. Institucioni i Prefektit do të jetë kompetent që të konfirmojë apo jo ligjshmërinë.

“Rama kishte të drejtë sepse ndoshta duhet të jemi më të kujdesshëm si institucione vendore në marrjen e këtyre vendimeve pasi kanë ndikim përtej qarkut tonë”, përfundoi Domi.

Më herët, ndjesë kërkoi dhe kryebashkiaku Gjici.

“Në emër të Bashkisë Kukës kërkoj ndjesë për veprimin e nxituar sot në Këshillin e Qarkut , lidhur me vendimmarrjen për heqjen e Titullit ‘Qytetar Nderi’ Veton Surroit, pas kërkesës  së 57 familjeve të Dëshmorëve të UÇK-së!

Duke u ndjerë shumë pranë atyre familjeve dhe dhimbjes së tyre në raport me këtë kohë lëndimesh për UÇK nuk e menduam më gjatë kërkesën e tyre emocionale”, shkroi Safet Gjici.

Kujtojmë se Veton Surroi u shpall “Qytetar Nderi” i Kukësit në vitin 2015, pasi një propozimi të klubit letrat “Anton Pashko”, me motivacionin “për kontribut të veçantë në fushën e medias dhe politike gjatë krizës së luftës dhe shpalljes së pavarësisë së Kosovës”. /tesheshi.com/

 

 

auto pjese dak

Related posts