Auto Dak
Auto Dak
Auto Dak

VAKSINIMI/ BE, tension me AstraZeneca-n dhe Pfizer-in: Grushta mbi tavolinë!

Bashkimi Evropian po bën presion mbi kompaninë farmaceutike AstraZeneca për të shpërndarë më shumë doza të vaksinës së koronavirusit në 27 vendet anëtare dhe për të mbajtur premtimet e saj fillestare pasi të miratohet vaksina, veçanërisht pasi BE ka investuar tashmë në rritjen e kapacitetit të prodhimit.

Presidentja e Komisionit Evropian Ursula von der Leyen zhvilloi bisedime emergjente me shefin e kompanisë Pascal Soriot të hënën dhe zyrtarët e BE po takohen gjithashtu me AstraZeneca-n për të inkurajuar kompaninë britanike-suedeze për të rritur prodhimin e vaksinave dhe për të përmbushur synimet e saj kontraktuale.

BE, me ndikimin ekonomik dhe politik të bllokut më të madh tregtar në botë, mbetet prapa vendeve si Izraeli dhe Britania e Madhe në futjen e vaksinave për popullatat e saj më të prekshme dhe punëtorët shëndetësorë.

A e miraton EMA vaksinën të premten?

Drejtuesit e bllokut janë përballur me kritika të forta pasi procesi është i ngadaltë.

Agjencia Evropiane e Barnave (EMA) pritet të rishikojë vaksinat e koronavirusit Oxford-AstraZeneca të premten dhe pritet miratimi.

Vaksina AstraZeneca është tashmë në përdorim në Mbretërinë e Bashkuar dhe është aprovuar për përdorim emergjent në disa vende, përfshirë Indinë, Pakistanin, Argjentinën dhe Meksikën.

Njoftimi i AstraZeneca se do të dorëzonte më pak vaksina në BE rriti  presionin mbi bllokun me 27 kombe, veçanërisht pasi dërgesat e premtuara për vaksinën Pfizer-BioNTech, të cilat ishin të parat që morën miratimin e bllokut evropian, nuk u mbajtën javën e kaluar .

Pfizer ka shkurtuar përkohësisht dërgesat në BE dhe Kanada ndërsa rindërton fabrikën e saj në Belgjikë, për të rritur prodhimin e përgjithshëm.

Disa vende po përgatisin procese gjyqësore

Italia ka kërcënuar se do të padisë Pfizer-in për vonesat e dërgesave.

Presioni politik nxiti KE për veprim të hënën, me një telefonatë nga Von der Leyen te kreu i AstraZeneca-s.

“Ajo e ka bërë të qartë se pret që AstraZeneca të përmbushë rregullimet kontraktuale të parashikuara në marrëveshjen e parablerjes,” tha zëdhënësi i saj Eric Mamer.

“Ajo i kujtoi Z. Soriot se BE kishte investuar shuma të konsiderueshme në kompani paraprakisht, pikërisht për të siguruar që prodhimi të rritet edhe para se EMA të lëshojë një licencë të kushtëzuar të tregut. Problemet në prodhim mund të ndodhin me vaksinat komplekse, por ne presim që kompania të gjejë një zgjidhje dhe të përdorë të gjitha fleksibilitetet e mundshme për shpërndarjen e shpejtë,” tha Mamer.

Vonesat do ta bëjnë më të vështirë përmbushjen e synimeve fillestare të BE për vaksinimin e 70 përqind të popullsisë së rritur deri në fund të verës.

Unioni tashmë ka “grushtuar tryezën”

Presidenti i Këshillit të BE Charles Michel tha se Unioni kishte “grushtuar tryezën” me Pfizer-in javën e kaluar për të siguruar që vonesat e dorëzimit të ishin ndalur deri në fund të javës.

BE ka nënshkruar gjashtë marrëveshje vaksinash për më shumë se dy miliardë doza, por deri më tani vetëm vaksinat Pfizer-BioNTech dhe Moderna janë aprovuar.

Komisioni Evropian propozoi të hënën futjen e një kategorie të re në shënimin e hartës epidemiologjike të Evropës, “zonat e kuqe të errët”, ku shkalla e infeksionit me koronavirus është shumë e lartë dhe rekomandoi shmangien e të gjitha udhëtimeve të panevojshme.

Në varësi të shkallës së infeksionit, rajonet aktualisht janë shënuar me të kuqe, portokalli dhe jeshile në hartën epidemiologjike, dhe për ato zona për të cilat nuk ka të dhëna me gri.

Tani është propozuar të futet një kategori e re – “zona të kuqe të errët”, për zonat ku niveli i infeksionit prej 14 ditësh është mbi 500 për 100,000 banorë.

E gjithë BE-ja me të kuqe

“Një hartë e përbashkët dhe një qasje e përbashkët për kufizimet proporcionale, jo-diskriminuese duhet të vazhdojnë të drejtojnë përpjekjet tona. Ajo që na duhet tani, duke pasur parasysh variantet e reja të virusit, është një koordinim edhe më i madh dhe një përpjekje e përbashkët evropiane për të dekurajuar udhëtimet e parëndësishme. Mbyllja e kufijve nuk do të ndihmojë, por masat e përbashkëta do të ndihmojnë edhe më shumë,” tha Komisioneri Evropian për Drejtësinë Didier Reynders.

Sipas kritereve aktuale epidemiologjike, i gjithë  Unioni është shënuar me të kuqe në hartë.

Ata që udhëtojnë nga këto zona të kuqe të errët do të duhet të testohen për COVID-19 para se të nisen dhe të futen në karantinë pas mbërritjes në destinacionin e tyre.

Komisioni gjithashtu rekomandon që Shtetet Anëtare të kërkojnë më shumë testime për udhëtime nga zonat e shënuara tani me portokalli, të kuqe dhe gri.

Masa shtesë për udhëtime emergjente

Në lidhje me udhëtimet nga vendet e treta në BE, Komisioni po propozon masa shtesë për udhëtime emergjente, ndërsa të gjitha udhëtimet që nuk janë të nevojshme nga vendet e treta janë ndaluar edhe më herët.Tani edhe ata, udhëtimet e të cilëve janë të domosdoshëm do të duhet t’i nënshtrohen testimit PCR para nisjes, ma saktë 72 orë. /tesheshi.com/

 

 

auto pjese dak

Related posts