728 x 90 Leaderboard

Arrestohen 7 aktivistë të Vetëvendosjes, shkruanin parulla kundër dhunës ndaj grave

Shtatë aktivistë të Vetëvendosjes janë arrestuar të enjten mbrëma për shkak se shkruanin parulla kundër dhunës ndaj grave në qytetin e Gjakovës, pak ditë pasi një burrë vrau gruan dhe vajzën e tij në këtë qytet.

 “Parulla ‘Gratë dhunohen, policia injoron’ është tregues për përkushtimin e institucioneve ndaj vetë qytetarëve të saj. Institucionet flenë kur duhet të kryejnë punën e tyre dhe tregohen syçelë për t’i penguar aktivistet që kërkojnë drejtësi”.

“Parullat janë shkruar edhe te Gjykata Themelore në Gjakovë dhe ne e mbajmë përgjegjës komplet sistemin e drejtësisë për këto vrasje. Shteti jo vetëm që nuk bën asgjë t’i parandalojë por as pasi ndodhë krimi veprojnë sipas drejtësisë. Ne nuk mund të presim e shohim se si emrat e grave rrisin listat e vrasjeve. Prandaj sot në Gjakovë protestojmë për drejtësinë, për jetën, kundër dhunës, kundër mizogjinsë, kundër diskriminimeve”, thotë VV.

VV thotë se aktivistët e arrestuar janë: Arlinda Gashi, Guxim Krasniqi, Uran Hasani, Kujtim Hasani, Ndriçim Berberi dhe Gerolld Nikoliqi. /tesheshi.com/

Related posts