Zyrtari i Vetëvendosjes, Avni Zogiani ka ironizuar keq me LDK-në e Isa Mustafës pasi thotë se në këtë parti nuk ka një qëndrim unik nëse duan apo jo që vendi të shkojë në zgjedhje.
Sipas tij, kryetari i grupit parlamentar, Avdullah Hoti kërkon zgjedhje, kurse nënkryetari Agim Veliu thotë të kundërtën.
“Është zor të parashikohet a do të ketë zgjedhje, sepse çelësi i zgjedhjeve për momentin është LDK-ja. Për shembull, nëse flet Hoti ka zgjedhje, e nëse flet Agim Veliu nuk do të ketë zgjedhje. Ky është një problem që duhet hulumtuar”, ka thënë Zogiani në një intervistë për Radio FM.
Ai më tej ka pohuar se shkuarja në zgjedhje të jashtëzakonshme asnjëherë nuk ka qenë më urgjente.
Kujtojmë se në tryezën e fundit të partive të organizuar nga Vetëvendosje nuk u arrit një kompromis siç kërkuan vetëvendosësit për caktimin e dates së zgjedhjeve. /tesheshi.com/
