Presidenti Thaçi pak orë pas takimit me disa nga partitë politike, ka thirrur mbledhjen e parë të legjislaturës së gjashtë të Kuvendit Kosovës më 3 gusht në orën 10:00.
Kryetarin dhe Kryesinë e legjislaturës së pestë të Kuvendit në pajtim me legjislacionin përkatës në fuqi, presidenti Thaçi i ka udhëzuar që të përgatisin edhe propozimin e rendit të ditës.
“Këtë vendim, i cili ka hyrë në fuqi sot, presidenti Thaçi e ka marrë duke u bazuar në nenin 66 (paragrafi 3) dhe nenin 84 (pika 3) të Kushtetutës së Republikës së Kosovës, nenin 6 të Ligjit Nr. 03/L-094 për Presidentin e Republikës së Kosovës, si dhe duke marrë parasysh vendimin e datës 8 korrik 2017, të Komisionit Qendror të Zgjedhjeve për certifikimin e rezultateve përfundimtare të Zgjedhjeve të Parakohshme për Kuvendin e Republikës së Kosovës të 11 qershorit 2017”, bëhet e ditur në njoftim.
Kujtojmë se Vetëvendosje si dhe LDK me aleatët në vazhdimësi e kanë akuzuar Thaçin se po mban anën e koalicionit PDK-AAK-NISMA me mos thirrjen e seancës./tesheshi.com/
