Gjykata Kushtetuese në Maqedoni ka rikonfirmuar vendimin për shfuqizimin e ligjit të vitit 2009 për ndryshime dhe plotësime të ligjit për amnisti të manipuluesve zgjedhor dhe pedofilëve.
Ky vendim sipas Kushtetueses do të prodhojë veprime juridike pas ditës së publikimit në gazetën zyrtare të Republikës së Maqedonisë.
“Gjyqi me shumicë votash solli vendim për shfuqizimin dhe ndryshimin e ligjit për falje të vitit 2009. Në periudhën e ardhshme si vendim definitiv do të publikohet në uebfaqen e Gjykatës Kushtetuese”, njoftojnë nga gjykata.
Në vazhdim, kjo gjykatë do të njoftojë edhe mbi arsyeshmërinë e sjelljes së këtij vendimi.
Ndryshe, me këtë vendim të Gjykatës Kushtetuese me automatizëm i hapet rruga Presidentit të shtetit që të falë veprat të lidhura me shkeljen e rregullave të kodit zgjedhorë si dhe veprave tjera jashtëligjore.
M.Krasniqi – /tesheshi.com/
