Ndërsa vdekjet COVID po minimizohen pas një vale mortore, ato po zëvëndësohen nga një zymtësi tjetër mortore, e cila ka të bëjë me marrje jetësh të personit prej personit, duke nisur që nga atentatet mafioze, ku veçon Vlora, e deri te krimet brenda familjes, ap dhe te ai i fundit, tejet banal, në Peqin, ku një 40-vjeçar u vra për një grusht të para 5 vitesh.
Konflikti për motive të dobëta nisi mes një 36-vjeçari, të identifikuar si Leonard Bashaliu, banues në Gjocaj dhe viktimës Ylber Xhahysa, 44 vjeç, banues në fshatin Pajov. Ky i fundit u plagos me armë zjarri dhe për pasojë ndërroi jetë në spitalin e Peqinit.
Autori ka deklaruar në polici se viktima e kishte qëlluar me grusht para 5 vitesh dhe mëngjesin e sotëm kishte arritur të përballej me të dhe ta vriste. Ai ka treguar se ka qenë edhe në gjendje të rënduar psikologjike për shkak të situatës familjare sepse babai i tij është i paralizuar ndërsa vëllai vuan nga epilepsia, raporton TCH.
Kujtojmë se një ditë më parë, burri vra gruan e më pas vari veten, ngjarje e ndodhur në Dragostunj.
Ndërsa më herët, vëllai vrau motrën në Shkodër. /tesheshi.com/
