Ministri i Financave në detyrë, Avdullah Hoti, dhe ambasadori i Zvicrës, Jean Hubert Lebet, kanë nënshkruar marrëveshjen për eliminimin e tatimit të dyfishtë, lidhur me tatimet mbi të ardhurat, ndërmjet Kosovës dhe Këshillit Federal të Zvicrës.
Hoti tha se kjo marrëveshje do të ndihmojë shumë për të thelluar bashkëpunimin mes dy shteteve.
Ai deklaroi se Zvicra është vend mik, e me të cilin vendi ynë ka konsideratë të veçanta për arsye se një numër shumë i madh i qytetarëve të Kosovës jetojnë me familjet e tyre në këtë shtet.
Ndërsa, ambasadori i Zvicrës, Jean Hubert Lebet, u shpreh se marrëveshja bilaterale mundëson forcimin e marrëdhënieve mes dy shteteve. /tesheshi.com/
